SERBI– Ministri i Jsshtëm i Serbisë Ivica Daçiç, ka komentuar këtë të martë vendimin e Këshillit të Europës ku vendet anëtare votuan që Kosova të jetë pjesë e tyre. Daçiç tha se është shkelur procedura në Këshillin e Evropës (KE) dhe se ata që e kanë propozuar anëtarësimin e Kosovës në KiE janë turpëruar. Vota e Malit të Zi duket se e ka habitiur Daçiç-in.
Ivica Daçiç: Ukraina na befasoi në mënyrë të pakëndshme dhe se ndërsa Serbia dënon shkeljet e integritetit territorial të Ukrainës në të gjitha rezolutat në mbarë botën, kur bëhet fjalë për integritetin territorial të Serbisë, ato abstenojnë nga votimi, gjë që do të ndikojë në qëndrimin tonë të ardhshëm. Sa i përket Bosnjë dhe Hercegovinës (BiH), a ka pasur ndonjëherë ndonjë fjalim timin ku të mos përmendet integriteti territorial i Bosnje dhe Hercegovinës. Tani kur dikush të pyesë, ne do të abstenojmë. Pra, pse do të ishim në favor të integriteti territorial i Bosnjë-Hercegovinës dhe vota e tyre është abstenim
Po ashtu shefi i diplomacisë serbe shprehet se radha e ngjarjeve tregon se kjo nuk ishte një procedurë normale, por ekskluzivisht për Kosovën që shpërblehej për diçka, pyetja e vetme është se për çfarë.
Ivica Daçiç: A është ky një shpërblim për mos formimin e ZSO-së (Bashkësisë së Komunave Serbe) për 10 vjet? Si nuk ka deklaruar Këshilli i Evropës se ZSO duhet të formohet, sepse Catherine Ashton (ish-shefja e politikës së jashtme të BE-së) e ka nënshkruar atë në emër të BE-së.
Ministri i Jashtëm serb thekson se këtu nuk është shkelur vetëm statuti i Këshillit të Evropës, sepse diçka që nuk është shtet nuk mund të jetë anëtare e Këshillit të Evropës. Ai tha se është e qartë se Gjermania i ka premtuar Kurtit se do ta shpërblejnë për një lloj qasjeje konstruktive.
Ivica Daçiç: Në anën tjetër, interpretimi ligjor nga i njëjti njeri është i ndryshëm sot në krahasim me 10 vjet më parë. Këtu është e qartë se kush është i preferuari i disa vendeve perëndimore, në këtë rast të Kuintit (Gjermania, Franca, Italia, Britania e Madhe, SHBA). Ata thyen një sërë rregullash, Islanda ishte kundër saj për një kohë të gjatë. Ata donin për t’ia lënë Letonisë për presidencën e radhës.Më pas kërkuan një mbledhje urgjente me vetëm një pikë në rend dite.Ai Komiteti i Ministrave u takua vetëm me një pikë në rend dite dhe nuk ndodhi kurrë më parë që të mblidhej brenda një jave. kur u mbajt Asambleja Parlamentare e Këshillit të Evropës.
Në fund Daçiç ka një paralajmërim për Malin e Zi ku deklaron se Serbia do të hamerret për votën e dhënë prej tij.
Ivica Daçiç: Mali i Zi do të mundte që së paku të abstenonte. Neve na duhet të veprojmë në mënyrë reciproke. Mali i Zi votoi për pranimin e Kosovës. Atyre gjithashtu do t’u duhet vota jonë ndonjëherë, në të cilët, ata sigurisht se nuk mund të llogarisin./Limit.al
