Bashkimi Europian ka hapur aplikimet për raundin e ri të DiscoverEU, programi që u ofron të rinjve mundësinë të zbulojnë Europën kryesisht përmes udhëtimit me tren. Aplikimet përfundojnë më 15 tetor 2026, në orën 12:00, sipas orës së Brukselit. (commission.europa.eu)
Mund të aplikojnë të rinjtë e lindur nga 1 janari deri më 31 dhjetor 2008, që plotësojnë kushtet e shtetësisë ose rezidencës në vendet pjesëmarrëse. Edhe të rinjtë shqiptarë me rezidencë në Itali mund të aplikojnë, nëse përmbushin kriteret. Shqipëria nuk përfshihet në listën e vendeve pjesëmarrëse për këtë thirrje. (youth.europa.eu)
Aplikimi zhvillohet në internet dhe përfshin të dhënat e dokumentit të identifikimit dhe një kuiz. Pjesëmarrësit mund të aplikojnë individualisht ose në grup me deri në katër miq të tjerë, të cilët duhet të plotësojnë të njëjtat kushte.
Të përzgjedhurit marrin edhe një kartë me ulje për akomodim, kulturë, sport dhe transport lokal. Nisma synon njohjen e historisë dhe trashëgimisë europiane, si dhe krijimin e lidhjeve mes të rinjve të vendeve të ndryshme. (youth.europa.eu)
Aplikimi: Portali zyrtar DiscoverEU