Presidentja e Komisionit Europian, Ursula von der Leyen kërkoi që Ballkani Perëndimor të punojnë ngushtë me BE për t’u bërë pjesë e unionit. Von Der Leyen tha se duhen të plotësohen reformat për të çuar përpara rajonin.
Nga Samiti i Procesit të Berlinit, Von Der Leyen pohoi se ekonomitë e Ballkanit Perëndimor dhe BE janë shumë larg njëra-tjetrës.
“Procesi i Berlinit filloi në vitin 2014. Synimi është për të ecur përpara në formë të vërtetë në rajon por dhe për të nxitu r bashkëpunimin rajonal ekonomik.
Ne kemi hedhur themele të forta me planin e investimeve ekonomike prej 30 miliardë eurosh. Rezultatet tashmë po tregohen, 16 miliardë euro janë përdorur tashmë.
“Ekonomitë tona në Ballkanin Perëndimor dhe në tregun e BE janë shumë larg njëra – tjetrës. Ekonomitë e Ballkanit Perëndimor kanë të ardhura sa 35% e mesatares së BE dhe në vërtetë duhet të çlirojmë potencialen që ka Ballkani Perëndimor dhe ta sjellim më pranë mesatares tonë dhe kjo do të arrihet me planin e rritjes.
Por pjesa e dytë ka të bëjë me zhvillimin ekonomik, sepse sa herë kemi pasur zgjerim, jo vetëm për vendet që janë bërë anëtare të BE-se kanë pasur rritje të madhe ekonomike, por edhe vetë BE-se shënuar rritje.
Ne duam që në fusha specifike të hapim dyert e tregut të BE për vendet e Ballkanit Perëndimor (BP) dhe këtë duhet ta krijojmë në fusha si lëvizja e lirë e mallrave, energjia, apo pagesa pa para në dorë.
Vendet e Ballkanit Perëndimor duhet të plotësojnë tregun e tyre Rajonal, kjo do të thotë që vendet e BP duhet t’i afrojnë qasje fqinjëve të tyre.
Për të ecur përpara duhen reforma, dhe këto reforma do të shoqërohen nga financime nga BE.
Vetëm duke punuar së bashku mund ta sjellim Ballkanin Perëndimor në zemër të Europës, aty ku i takon. Mos lini mundësitë, por kapeni momentin”.
