TIRANË– Elbasani ka regjistruar një fitore historike në favor të Partisë Socialiste në zgjedhjet vendore të 14 majit të mbajtura një ditë më parë. Raportohet se qytetarët e Elbasanit kanë regjistruar një rezultat 7 me 0 në favor të të majtëve. Kandidati i koalicionit “Bashkë Fitojmë” në Elbasani Luçiano Boçi humbi thellë përballë kryebashkiakut socialist Gledian Llatja. Ky i fundit mori 56.06% të votave kundrejt 43.94% të kundërshtarit të tij Luçiano Boçi, i cili mori 27683 vota, e ndërsa Gledjan Llatja 35575 vota.
Në Cërrik, socialisti Andis Salla ka fituar me 8444 vota. Ndërsa kandidati opozitar i koalicionit “Bashkë Fitojmë”, Servet Duzha mori 3416 vota.
Në Librazhd, PS ka fituar bindshëm përballë koalicionit “Bashkë Fitojmë”. Mariglen Disha ka marrë 10364, e ndërsa kundërshtari i tij, Shefki Çota ka marrë 3557, duke humbur me një diferencë prej gati 7000 votash.
Në Peqin, Bukurosh Maçi i Partisë Socialiste ka fituar përballë Mustafa Pashjas nga koalicioni “Bashkë Fitojmë”. Në Gramsh socialistët fituan me kandidatin Besion Ajazi, i cili mori 6263 vota, ndërsa kundërshtari i tij nga koalicioni “Bashkë Fitojmë”, Hasim Çekrezi, 5629 vota.
Belshi fitoi me kandidatin Arif Tafani, i cili mori 4536 vota ndërsa Bedri Qypi mori 4495 vota. Edhe në Prrenjas socialistët fituan bindshëm me Nuri Belba, i cili mori 6733 vota, ndërsa kandidati i koalicionit “Bashkë Fitojmë” mori 4040 vota.
Dhe në qarkun e Gjirokastrës Partia Socialiste ia doli të fitonte bindshëm por jo në të gjitha bashkitë. Memaliaj ishte e vetmja bashki në këtë qark që u fitua nga koalicioni “Bashkë Fitojmë”.
Në bashkinë Memaliaj, kandidati i koalicionit “Bashkë Fitojmë” Albert Malaj është shpallur fitues me 52.75 %, ndërsa Gjolek Guci i PS-së ka marrë vetëm 47.25 %.
Në Bashkinë Dropull, Dhimitraq Toli i Partisë Socialiste mori 81.25%, ndërkohë që rivali i tij më i afërt Thanas Maneka i koalicionit ‘Bashkë Fitojmë’ ka marrë 14.87% të votave, ndërsa Kosta Garo nga Nisma Thurje ka marrë vetëm 3.88% të votave.
Në Bashkinë e Përmetit Partia Socialiste me kandidaten Alma Hoxha 76.78 % të votave. Rivali i saj Edmond Komino nga “Bashkë Fitojmë” mori vetëm 23.22% të votave, ose 1336 vota.
Në bashkinë e Tepelenës kandidati socialist Tërmet Peçi ka fituar me 82.67 %. Rivali tij Baftjar Imeri i “Bashkë Fitojmë” ka fituar me 10.33 %, ndërsa Partia Demokratike ka fituar vetëm 7.00 %.
Në Bashkinë Këlcyrës ka përfunduar numërimi. Kandidati i Partisë Socialiste Klement Ndoni ka fituar me 49.33 %, kundrejt kandidatit të BF-së Arjan Kasaj i cili ka marrë 47.32 %, ndërsa Adriatik Spahiu ka marrë 3.35 %.
Në Bashkinë Libohovës ka përfunduar procesi i numërimit dhe fitues është shpallur Leonard Hide i Partisë Socialiste me 52.64 %, ndërsa kandidati i ‘Bashkë “Fitojmë’ ka marrë Adil Xhelili ka marrë 47.36 %./Limit.al
