Celuliti është një problematikë e lëkurës, që shfaqet zakonisht në zonën e barkut, në këmbë dhe në vithe.
Celuliti është i pranishëm në 4 grada:
- Grada zero- lëkurë e lëmuar dhe nuk ka gropa celuliti kur ushtrohet presion.
- Grada e parë- lëkurë e lëmuar dhe pa gropëza si në qëndrimin në këmbë, ulur ose dhe shtrirë,por krijohet celulit kur i ushtrojmë presion.
- Grada e dytë- lëkura mund të jetë e butë kur jeni në pozicion shtrirë, por krijohen gropëza celuliti.
- Grada e tretë- gropëzat e celulitit shfaqen si në qëndrimin shtrirë, ulur ose në këmbë.
Cilat janë faktorët ndikues në formimin e celulitit?
Nuk është akoma e ditur cili është shkaktari kryesor i celulitit, por ka disa faktorë të cilat njihen që ndikojnë pozitivisht në shfaqjen e tij:
Si të eleminojmë celulitin?
- Faktorët hormonal dhe mosha- Estrogjeni merr pjesë në proceset e formimit të qelizave. Kur niveli i estrogjenit ulet, ulet edhe niveli i oksigjenit dhe prodhimi i kolagjenit, kurse numri i qelizave dhjamore shtohet. Me kalimin e viteve lëkura humbet elasticitetin. Si pasojë rritet mundësia për shfaqjen e celulitit.
- Faktorët gjenetikë- Janë përgjegjëse për proçeset metabolike dhe për shpërndarjen e masës dhjamore. Si rrjedhojë ndikon në shfaqjen e celulitit.
- Dieta ushqimore- Personat të cilët konsumojnë karbohidrate, yndyrna dhe kripë, janë më të prirur për të pasur celulit.
- Duhanpirja, mos aktivitetet fizike dhe qëndrimi në të njëjtin pozicion- Për një kohë të gjatë ndikon në realizimin e celulitit.
- Shtatëzania– Ka raste kur celuliti shfaqet për herë të parë gjatë shtatzënisë.
Këshilla të nevojshme për parandalimin e celulitit:
Dieta ushqimore është një parandalues i shkëlqyer për celulitin.
Shmangia e pijeve me gaz dhe konsumi i shpeshtë i ujit.
Mos përdorimi i vajit në gatime dhe skuqja e ushqimeve.
Konsumimi i frutave dhe perimeve.
Aktiviteti fizik ndikon në parandalimin e celulitit. Mund të shkoni në palestër, vrapim, aktivitete në shtëpi si dhe të ushtroni më shumë sportin tuaj të preferuar.
Përdorimi korrekt i produkteve farmaceutike rrit elasticitetin e lëkurës dhe e tonifikon atë. Një ndër përbërësit më të njohur të kremrave është Kafeina. Ajo vepron si diuretik dhe rrit qarkullimin e gjakut në zonën ku aplikohet. /Farmaon.al /Limit.al