Ndoshta po përpiqeni t’i bëni përshtypje atij/asaj, por sërish nuk jeni bindur. Duket sikur ju mungon një informacion i rëndësishëm, të cilin mund ta zbuloni duke na treguar shenjën e tij/saj të horoskopit.
Dashi
Dashi pëlqen dikë me një personalitet të sinqertë, pasionant dhe të drejpërdrejtë. Ata nuk do e bëjnë gjithmonë të parët hapin kështu që bëhuni gati të thyeni akullin. Natyra e tyre inteligjente do ju mundojë të arrini qëllimin tuaj, prandaj tregohuni të vëmendshëm dhe të zgjuar. Niseni bisedën nga një detaj që keni vënë re në mënyrë që ta bëni interesante.
Demi
Nëse synimi juaj është dikush me shenjën e Demit, atëherë humori duhet të jetë pika e fortë. Ata janë karaktere që nuk ambientohen shpejt, prandaj duhet të tregoni pak durim. Pasi të fillojnë të ndihen më rehat, do shikoni një ndryshim dramatik në marrëdhënien tuaj. Demi është një shenjë që i adhuron dhuratat si ushqimet, muzikën dhe udhëtimet.
Binjakët
Komunikimi është mënyra e vetme për të fituar zemrën e Binjakëve. Eksploroni së bashku ide, art, muzikë dhe filloni debate. Aftësia për të luajtur me fjalët do e afrojë më shumë. Nëse personi që pëlqeni nuk ka një natyrë eskpresive, atëhere këtë pjesë do të duhet ta mbuloni ju.
Gaforrja
Zhdukini frikërat dhe pasiguritë kur të jeni duke flirtuar me një Gaforre. Natyra e tyre empatike dhe mbrojtëse do eliminojë çdo ndjenjë negative tuajën. Dhe meqënëse kanë kaq shumë për të dhënë, po kaq shumë presin nga të tjerët. Harrojini dhuratat materiale, por sigurohuni që të keni kapacitetin emocional dhe intelektual për të mbajtur ritmin e tyre. Njerëzit e kësaj shenje preken shpejt, prandaj në rast se humbisni durimin, qetësohuni dhe merrni frymë disa herë. Në çaste debatesh dhe mund të kërkoni falje për të mos e lënduar personin që keni përballë dhe ta largoni përgjithmonë nga jeta juaj.
Luani
Kjo shenjë e fuqishme ka nevojë për një partner që është 100% i angazhuar në lidhje. Sapo t’i tregoni përkushtimin, shenja e Luanit do e çojë pasionin dhe kiminë në një nivel tjetër. Kur lidhja të bëhet më serioze, duhet të mundoheni t’i mbani gjërat interesante si në fillim në mënyrë që ata të mos humbasin pëlqimin.
Virgjëresha
Kjo shenjë është e fiksuar pas detajeve. Duke qenë se kujdesen shumë për veten dhe mjedisin ku jetojnë, presin të njëjtën gjë dhe nga të tjerët. Gjatë kohës që shoqëroheni me ta duhet të bëni kujdes me higjienën personale dhe detajet. Duhet t’u tregoni atyre që mund të kenë besim dhe të shprehen hapur rreth problemeve që kanë.
Peshorja
Nëse arrini të komplimentoni “asetet” më pak të fshehura të një Peshoreje, atëhere sapo jeni futur në zemrën e tyre. Organizoni takime në vende të veçanta dhe krijojini ambientin që ata të flasin rreth vetes. Mos i detyroni të marrin një vendim, edhe nëse ky i fundit është vendimi i duhur për t’u marrë. Flisni dhe jepuni argumenta, por në fund lërini të vendosin vetë.
Akrepi
Keni zgjedhur një shenjë shumë të vështirë për t’u dashuruar! Njerëzit e kësaj shenje nuk pëlqejnë të flasin për veten dhe rrethohen me një hije misteri. Bëni kujdes sepse mund të gjendeni në anën e gabuar të Akrepit për shkak të një situatate tensionuese. Nëse e shikoni që gjërat s’po shkojnë siç duhet, mundohuni t’i jepni fund në mënyrë shoqërore.
Shigjetari
Romantiku i përhershëm! Shenja që në natyrën e saj ka flirtimin dhe debatet. Shigjetari është padyshim një shenjë shumë sociale, prandaj disa shaka apo poezi të mbushura me emocion janë zgjidhja perfekte. Duke qenë se njerëzit flitojnë vazhdimisht me këtë shenjë, duhet t’u tregoni atyre sa serioze i keni qëllimet.
Bricjapi
Si një shenjë me dëshira të shumta seksuale, Bricjapi ka nevojë për një “lojë dashurie”. Duhet të bëni të vështirini, duke iu afruar dhe larguar herë pas here. Bëjini të kërkojnë më shumë. Megjithatë ruani masën pasi ata mund ta humbasin interesin. Bricjapi e urren sipërfaqësoren dhe injorancën. Duhet të jeni të përgatitur mirë para se të nisni një lidhje me një bricjap.
Ujori
Sa arrini të respektoni lirinë tregon dhe sa shanse do keni me një Ujor. Një shenjë kaq inteligjente, tërhiqet vetëm nga një partner simulues, i mirëinformuar dhe modest. Ujorët do tregohen besnikë, por vetëm nëse arrini të mbani gjallë interesin e tyre. Duhet të tregoni sa shumë i vlerësoni që në takimet e para.
Peshqit
Mos hezitoni për të treguar sa ndryshe jeni përballë një njeriu të shenjës së Peshqve. Ata janë njerëz që kanë qejf diversitetin, por mbi të gjitha duan të kuptojnë se i dashuroni. Aventurat, humori dhe e panjohura janë çelësi për në zemrën e Peshqve. Personaliteti i tyre bën që ndonjëherë të tjerët të përfitojnë. Mbrojini, por bëjeni në mënyrë që ata të mos e kuptojnë!/Anabel.al
