Skënderbeu siguroi matematikisht ngjitjen në Kategorinë Superiore, dy javë përpara përfundimit të kampionatit në Kategorinë e Parë.
‘Bardhekuqtë’ triumfuan ndaj Turbinës së Cërrikut, me rezultatin 0-4 në transfertë.
Ky tripikësh bëri që klubi juglindor të sigurojë ngjitjen në elitë.
Skuadra e Ivan Gvozdenoviç renditet në vendin e parë me 48 pikë. Në këtë mënyrë, Skënderbeu rikthehet në Superligë, pas vetëm 1 sezoni në të Parën.
Ndërkohë biletën për t’u ngjitur në kategorinë e më të mirëve e preu edhe Dinamo.
Kryeqytetasit edhe pse u mundën në Lushnje nga vendasit me shifrat 2-1, siguruan ngjitje në elitë, duke përfituar nga humbja e Flamurtarit.
Vlonjatët pësuan disfatë në shtëpi ndaj Tomorit, me rezultatin 0-1. ‘Kuqezinjtë’ mbeten në vendin e tretë me 40 pikë, ndërsa komplikojnë situatën drejt rikthimit në Superligë, pasi vlonjatëve u duhet të luajtë në play-off./Limit.al
