Reali i Madridit arrin kualifikimin për në fazën gjysmë-finale të Ligës së Kampioneve, për herë të 32-të në histori, një shifër rekord kjo për spanjollët.
Madrilenët mposhtën sërish me rezultatin 2-0 Chelsea-n, kësaj radhe në Londër.
Pjesa e parë e lojës nuk dhuroi shumë emocione, me ‘galaktikët’ që menaxhuan më shumë rezultatin e takimit të parë, ndërsa vendasit rrezikuan në dy raste me Kante dhe Cucurella. Fraksioni i dytë i lojës foli për të besuarit e Ancelottit.
‘Los blancos’ gjetën dy herë rrugën e rrjetës me Rodrygo. Braziliani realizoi fillimisht në minutën e 58-të, e më pas dyfishoi shifrat në minutën e 80-të, duke realizuar një dopietë personale në këtë sfidë.
Gjithçka e lehtë për Realin e Madridit, që tregojnë edhe njëherë dominimin në këtë kompeticion./Limit.al
