Në prag të motmotit
Janë bërë rutinore,
Përmbylljet e vitit
Me darka luksore!
Të themi më shkoqur
Jo si Darkë e Lamës,
Por aso me lesh
Deri n’zog të kamës!
Tani dhe këto darka
Na qenkan me fat,
Shefat xhepat plot
E me kokën thatë!
I zhvatën projektet
Në fund të këtij viti,
Për të ngrënë e pirë
– Na rroftë apetit!
E ne që po ngrehim
Kulla ne erë,
Ka ardhur koha
E ëndrrave në diell!
Mirëpo edhe ëndrrat
Nga shteti janë kapur,
Askush nuk fle zgjuar
Me sy të hapur!
Lusim Babadimrin
Të jetë më real,
Për “shapkat” e fundit
Të Këshillit Nacional!
Sevdail Hyseni
(Karikatura marrë nga interneti)
