Trajnerit në Fitnes
Ç’i shkoi për dore,
Të mbledh disa goca
N’ushtrime trupore!
Të kesh trup të bukur
Tani është në modë,
Problem i mbipeshës
Shqetësim nëpër botë!
Nga ky sport biznesi
Të buzëqesh fitimi,
Për çdo javë fitnesi
Për çdo ditë vrapimi!
S’është lehtë të kesh
Një trup elegant,
Ndaj edhe stërvitjet
Nuk bëhen veç hajt…!
Duhet t’ jesh i rregullt
Madje dhe aktiv,
Po deshe të dukesh
Të paktën sportiv!
Bën shaka Trajneri
Vlen pa spekulime:
– Pesë minuta seks
Sa dy orë ushtrime!
Eho! – klithën gocat
Mos i bjer tërthor:
– Eja të bëjmë seks
Pse na lodh me orë…?!
Sevdail Hyseni
(Karikatura marrë nga interneti)
