Një gjykatë në Arabinë Saudite ka dënuar një grua me 45 vjet burg për “përdorimin e internetit për të shkatërruar strukturën shoqërore”, njoftoi sot grupi i të drejtave të njeriut DAWN me qendër në Uashington.

Noura bint Said al-Qatani u dënua për përdorimin e mediave sociale për “shkelje të rendit publik”, sipas dokumenteve të gjykatës të parë nga DAWN.

Lajmet për dënimin e saj prej dekadash vijnë disa javë pasi Salma al-Shehab, një studente doktorate në Universitetin e Leeds, 34-vjeçare, u dënua me 34 vjet burg për ripostimin dhe regjistrimin e mesazheve të disidentëve sauditë në mediat sociale.

Al Shehab, e cila është gjithashtu nënë e dy fëmijëve, u dënua me 34 vjet burg pasi u kthye në shtëpi në Arabinë Saudite për pushime.

Rastet e fundit pasuan pasi presidenti amerikan Joeh Biden shprehu shqetësimin për të drejtat e njeriut në Arabinë Saudite gjatë një takimi me Princin e Kurorës saudit Mohammed bin Salman në korrik.

SHBA tha javën e kaluar se kishte përcjellë “shqetësime të rëndësishme” tek autoritetet saudite në lidhje me dënimin e dhënë për Salma al-Shehab.