Kanë çelur lulekuqet,
zhabinat ndër ara.
Pranvera po troket,
me lulet e para.
Këndojnë bilbilat,
dallëndyshet ndër re.
Punojnë fshatarët,
tokën plot hare.
Blegërijnë delet,
kecat sa gëzim!
Kërcejnë të lirë,
në stinën plot bekim.
Gumëzhijnë fëmijët,
si herët e tjera:
Seç na iku dimri,
ka ardhur pranvera!
Zgjohet gjithësia,
Rilind dashuri…
Njerëzit dhe natyra,
Në një vëllazëri!
Nikolin Sh. Lëmezhi
Shkodër, më 20. 04. 2021
