https://www.stopgo.ch/de/garage/allenmoosgarage.html
https://www.facebook.com/rinora4/
https://www.airprishtina.com/de/
Të nderuar përfaqësues/ese të ndërmarrjeve shqiptare të sipërpërmendura në kantonin e Cyrihut!
Lidhja e arsimtarëve dhe prindërve shqiptarë në kantonin e Cyrih-ut, apo siq njihet në opinionin publik me shkurtesën LAPSH-i për kantonin e Cyrih-ut, ka nisur në fundvitin e kaluar një projekt për mundësinë e anëtarësisë vjetore për ndërmarrjet dhe personat privat, me idenë e mbështetjes financiare të punës së LAPSH-it, me një pagesë modeste anëtarësie vjetore, e cila ka për synim mbarëvajtjen e përgjithshme të mësimit plotësues në gjuhën shqipe për fëmijët e mërgimtarëve tanë.
Ju personalisht me ndërmarrjet tuaja të lartëshënuara i jeni përgjegjur nismës sonë për mbajtjen gjallë të mësimit dhe kulturës shqiptare dhe na keni nderuar e ndihmuar me pagesën e anëtarësisë tuaj prej 300.- frangash e disa nga ju edhe më tepër!
Për këtë arsye, në emër të LAPSH-it për kantonin e Cyrih-ut, duam të ju falënderojmë publikisht nga zemra për ndihmën tuaj!
Shuma të cilën keni dhuruar ju, ka ndikim shumë të madh për punën tonë; p.sh., e mundëson kryerjen e punëve administrative dhe organizative, shpenzimet postare, adminisitrimin dhe organizimin e hapjes së klasëve të reja, si dhe shpenzimet tjera të cilat janë të domosdoshme për mbarëvajtjen dhe organizimin e mësimit plotësues në gjuhën shqipe.
Besojmë se ju si donatorë i pagesës së anëtarësisë jeni të interesuar mbi projektet dhe punën e LAPSH-it! Nga ne mund të informoheni në ç’do kohë në lidhje me projektet dhe aktivitetet tona të mbarëvajtjes edhe të procesit mësimor por edhe atij organizativ.
Jemi shumë të lumtur t’u kemi kemi juve ndër donatorët e parë të anëtarësisë dhe ju themi: Mirë se erdhët në familjen e madhe të LAPSH-it!
Ne u jemi drejtuar në fundvitin e kaluar mbi 300 ndërrmarrjeve shqiptare dhe personaliteteve që kanë aktivitete afariste në kantonin e Cyrih-ut dhe më gjerë, me një letër informuese mbi idenë e sipërshkruar. Shpresojmë që edhe ndërmarrës të tjerë do t’a mbështesin dhe përkrahin këtë nismë në interes të komunitetit shqiptarë, e që është; nxitja, ruajtja, kultivimi dhe e mësimi i gjuhës dhe kulturës kombëtare, për fëmijët tanë këtu në mërgim.
Ju falemnderit dhe përshëndetje!
Gëzim Kasumaj
Drejtues i Projektit, nënkryetar i LAPSH-it për kantonin e Cyrih-ut
079 542 81 80
https://www.lapsh-zh.ch/paralelet.html
https://www.lapsh-zh.ch/kuadri_mesimor.html
