Vaksina Pfizer-BioNTech mund të përdoret lehtësisht në Itali.
Autoritetet shëndetesore italiane dhe agjencia e barnave dha miratimin për përdorimin e kësaj vaksine kundër Covid-19.
Simbolikisht vaksinimi në Itali do të nisë më 27 dhjetor, ashtu sikurse do të nisë në të gjitha vendet e BE.
Data është evropiane, një zgjedhje domethënëse si një simbol i betejës së Evropës së bashkuar kundër virusit .
5 anëtarë të personelit të spitalit të njohur Spallazani në Romë do të vaksinohen të parët, konkretisht një infermiere, një punonjëse e shëndetit social, një studiues dhe dy mjekë.
Raffaele Bruno, specialist i sëmundjeve infektive dhe drejtor i sëmundjeve infektive në San Matteo di Pavia do të jetë gjithashtu ndër të parët që do të marrë vaksinën.
Dozat e para të vaksinës Pfizer-BioNTech pritet të mbërrijnë më 26 dhjetor, nga Belgjika drejt spitalit kryesor në Romë. Shpërndarja e vaksinave në Itali do të bëhet nga ushtria në të gjitha rajonet e tjera.
Efikasiteti i Pfizer është shumë të lartë (95% kundrejt një pragu të kërkuar prej 50%) dhe mund të merretg nga të gjithë mbi 16 vjeç.
Në janar mund të vaksinohen 1 milionë persona në Itali.
Po ashtu bëhet e ditur se vaksina e Pfizer është e sigurtë edhe kundër cdo lloj mutacioni që mund të bëje Covid-19.
