Norman Foster ka prezantuar projektin për një ndërtesë parlamentare transparente në Londër që do përdoret ndërkohë që pallati i Westminster restaurohet.  

Struktura e përkohshme, e cila pritet të kushtojë rreth 300 milion paund, do të ndërtohet në afërsi të zonës ekzistuese. Pallati i Westminster, i njohur joformalisht si “shtëpitë e parlamentit”, është vendosur të përfundojë në 2025 për shkak të riparimeve të mëdha.

Pritet që një strukturë zëvendësuese e përkohshme të kërkohet për të paktën gjashtë vjet. Foster fillimisht e paraqiti projektin tre vjet më parë, teksa iu kërkua të restauronte pallatin e Westminster.

Të gjithë e konsiderojnë zhvendosjen e parlamentit si një problem të madh, por ai gjithashtu paraqet një mundësi të jashtëzakonshme dhe unë nuk mund të shoh ndonjë dobësi në propozimin tonë, u shpreh Foster. Vlerësohet se propozimi pop-up mund të ndërtohet në 28 muaj, dhe mund të çmontohet dhe zhvendoset pasi deputetët të kthehen në pallatin e Westminster.

Projekte të tjera që Foster dhe ekipi i tij kanë hartuar në Londër përfshijnë “ndërtesën më të qëndrueshme të botës” dhe një kullë në formë tulipani të konceptuar si një destinacion kulturor dhe turistik.