Besëlidhje Shqiptare në ditëlindjen e Kuvendit Arbëror – Nga Azgan Haklaj

Marsi është muaji i tretë i Kalendarit Gregorian.
Ky emërtim vjen nga Perendia Romake e Luftës në kohën e Romës së lashtë, i cili ishte fati i fillimit të një lufte.
Ai vjen bashkë me pranverën.
Për shqiptarët marsi është i veçantë jo thjeshë për faktin e pranverës që sjell, por është memorizuar në historinë kombëtare si muaj i ngjarjeve të mëdha, sakrificës sublime për liri, triumfit të demokracisë, martirizimit në emër të Atdheut.
Është djepi i Shtetit të Përqëndruar Arbëror, kushtrimi i çlirimit kombëtar, ku janë farkëtuar nëntorët e lirisë,
Flet me shpatën magjike të Heroit Tonë Kombëtar Gjergj Kastrioti ( Skënderbeu), emrin e Shtetit të Përqendruar Arbëror lindur në Kuvendin e Lezhës, me dt 2 Mars 1444, ku u besatuan fisnikët arbërorë nën udhëheqjen e Kryezotit të Arbërisë Gjergjit të madh për të mbrojtur lirinë nga hordhitë otomane, aziatike dhe sulltanët e Perandorisë Osmane.
Fund marsi i vitit 1911 është fillimi i Kryengritjes së Malësisë Madhe udhëhequr nga Anteu i Alpeve Ded Gjon Luli, e cila u kurorëzua me ngritjen e Flamurit Shqiptar me dt 6 Prill në Bratilë të Deçiçit, rreth pesë shekuj pas Epokës së Ndritur të Moisiut Tonë, Gjergj Kastriotit.
Populli me të drejtë i ka kushtuar vargjet lapidare:
“Kruja e dytë Vlora e parë
Ded Gjon Luli flamurtar”.
Kjo Kryengritje ishte vazhdim i Kryengritjes së parë shqiptare të vitit 1910 e cilësuar nga shtypi i kohës si revolucioni i parë i shqiptarëve kundër xhonturqëve, e udhëhequr nga Hasan Prishtina, Isa Boletini, Bajram Curri, Naxhip Draga, Zefi i Vogël etj, e cila ishte shtypur me zjarr e hekur.
Marsi flet me emrin e Luigj Gurakuqit i cili u vra me 2 mars të vitit 1925, pra shënon epilogun tragjik të jetës së veprimtarit të shquar të Çështjes Kombëtare, pjesëmarrës i rendësishëm në Kongresin e Manastirit, truri i Memorandumit të Greçes, krahu i djathë i Ismail Qemalit në Shpalljen e Pavarësisë në Vlorë me dt 28 Nëntor 1912.
Flet me veprën e Plakut të Maleve,Tribunit Popullor Bajram Currit, pjesëmarrës aktiv në të gjitha kryengritjet, kuvendet historike për liri, që nga betejat epike për mbrojtjen e Plavë- Gucisë nga Ushtria e Lidhjes Shqiptare të Prizrenit, në Lidhjen e Pejës përkrah Haxhi Zekës, në Kuvendet e Junikut e Shkupit, Komitetin për Mbrojtjen Kombëtare të Kosovës, përkrah Hoxhë Kadri Prishtinës, Bedri Pejanit, deri në Kongresin Historik të Lushnjes, fatkeqësisht u vra me dt 29 mars 1925.
Marsi i vitit 1992 çertifikoj ngadhnjimin e Partisë Demokratike mbi diktaturën komuniste, pikërisht në “Ditën e Re” të bektashinjëve që mban emrin dita e Sulltan Novruzit me dt 22.
5- 6-7 marsi dhe 24 marsi i vitit 1998 janë Epopetë Legjendare të Familjes Jasharaj dhe Dukagjinit prirë nga Familja Haradinaj.
24 marsi i vitit 1999 shenoj fillimin e fundit të ushtrisë gjakatare të Millosheviçit, NATO-ja filloi bombardimet mbi strofkullat e saj.
Me dt 26 mars 2001 ra heroikisht në Preshevë për mbrojtjen e të drejtave të vëllezërve tanë atje Flakadani i Karadakut Ridvan Qazimi (Komandant Mjekra).
3 marsi i vitit 2019 shënon triumfin e shqiptarëve në Tuz, në Mal të Zi, fitoren spektakolare në zgjedhjet për Komunën e Tuzit, të cilët jetësuan mesazhin e thuprave, të Gjergj Kastriotit dhe realizuan ëndrrën e Ded Gjon Lulit pas 108 vitesh.
Por marsi flet edhe me ditën e mësuesit 7 marsin, e cila kremton hapjen e mesonjëtores së parë shqipe në Korçë, në vitin 1887 nga Pandeli Sotiri.
Marsi flet edhe me një ditë të rendësishme ndërkombëtare, ditën e gruas, 8 marsin.
Kjo ditë sipas Kalendarit Julian është dt 28 shkurt, ku gratë e Rusisë si pasojë e humbjes të afër 2 milionë ushtarëve rusë në Luftën e Parë Botërore me dt 23, shkurt në vitin 1917 dolën në protestë dhe u ngujuan në grevë urie kushtuar “Bukës dhe Paqes”, e cila katër ditë më vonë do të detyronte Carin të jepte dorëheqje. Qeveria e përkohëshme e asaj kohe legjetimoj votën e gruas.
Respektimi i parë i Ditës së Gruas u mbajt me 28 shkurt 1909 në Nju Jork.
Në vitin 1910 Konferenca Ndërkombëtare e Gruas në vitin 1910 sygjeroj 8 marsin si “Ditë Ndërkombëtare e Gruas” e cila është miratuar nga Kombet e Bashkuara në vitin 1975.
Afër gjashtë shekuj më parë fisnikët shqiptarë u besëlidhën në Kuvendin e Lezhës kundër Turqisë e Sulltanëve të saj, por askujt nuk i ka shkuar ndërmend se do të detyrohen të besëlidhen në të njëjtën ditë ndaj një Sulltani që nuk është i huaj por po shdërrohet i tillë për ta, si Cari apo Erdogani.
Ai është Edi Rama.
Pasi ka rrëmbyer pushtetin dhe ka kapur shtetin, ka uzurpuar të gjitha pushtetet dhe institucionet kushtetuese tani po sponsorizon një grusht shteti duke kapur Gjykatatën Kushtetuese për të pushtuar Presidencën, të vetmin institucion të pathyer prej tij.
Për këtë aksion invadues Sulltani ynë ka mobilizuar tellallët e tij dhe nëpërmjet mediave të kontrolluara po trumbetojnë me të madhe alkiminë rilindasve se kanë gjetur gurin magjik të shpëtimit “Mekanizmin e zhbllokimit” i cili në fakt është parashuta e desantimit në Gjykatës Kushtetuese, zhvleftësimit të Kushtetutës nga aktet noteriale dhe pushtimit të Presidencës.
Eunukët e Sulltanit, Ngjela e Çupi u rrekën të na mbushin mendjen se nuk është grusht shteti dhe sulmuan “Besëlidhjen Kuqezi” e cila është një levizje gjithë popullore kundër Patriarkut Rama që e ka kthyer Shqipërinë feud të tij.
Po i pyesim “iluministët” rilindas edhe njëherë:
Çështë Shteti?
A është shteti trupë politike qeverisëse (ligjvenëse, ekzekutive, gjygjsore) e një vendi ?
Këto pushtete a duhet të jenë të ndara?
A është Kushtetuta që garanton ndarjen e pushteteve?
A është Shtet i së Drejtës Regjimi i Ramës?
A respekton liritë dhe të drejtat e njeriut regjimi i tij?
A zbaton Kushtetutën ai?
A fallsifikoj dokumentat Ministria e Drejtësisë dhe a mori kopetencat e një pushteti tjetër ekzekutivi?!
A po perpiqet Rama ta pushtojë Presidencën?
A kemi një parlament monist?
A ka shkatërruar zgjedhjet e lira dhe Institucionin e votës?
A ka invaduar pushtetin lokal duke zhvilluar zgjedhjet pa opozitën.
A ka hartuar paketën antishpifje për të pushkatuar fjalën e lirë siç bëjnë të gjithë tiranët.
A ka zhdukur konkurencën e lirë duke krijuar oligopolet e oborrit të tij.
A po ndjek një politikë kryekëput antikombëtare Kryeministri ynë kuisling, që do të ia kishte zili edhe Esat Pashë Toptani?
A përdori lendë helmuese luftarake kundër popullit opozitarë, si Sadami e Asadi?
A ka ndjekur një filozofi qeverisëse ksenofobe ndaj malësorëve duke shpotitur me sarkazëm politike Veriun e Shqipërisë, me paratë e taksës së Rrugës së Kombit sponsorizoj komedinë filëm për të denigruar Tropojën?
A e ka kthyer Shqipërinë në megalavatriçe të pastrimit të parave?
A e ka kthyer Shqipërinë në një kosh të hedhjes së mbeturinave kancerogjene?
Natyrisht nuk mund të na ktheni pergjigje sepse kemi vertetuar me argumenta të pakontestuar se Kryeministri ynë është shndërruar në njě vampir për pushtet e para dhe se regjimi i tij është despotik, kjo për këdo është e qartë tashmë.
Megjithë atë në shkrimet e mëparshme kam sjellur shembuj shterrues nga Aristoteli e Platoni ku fillon mendimi filozofik mbi të drejtën, Tomas Hobësi, teoria e tij për “Shtetin Absolut”, Xhon Loku dhe “Shtetin Natyror”, evolulimin e së drejtës në Epokën e Iluminizmit Europian, Monteskjen dhe konceptet e tij mbi Shtetin e së Drejtës, Tokëvillin, përfaqësues tipik i liberalizmit, Konstitucionalizmin Amerikan, mendimtarët iluministë, materialistë, utilitarizmin dhe Xhon Stjuart Millin, barazinë sociale, Shtetin e Arsyes Njerëzore, teoritë e konformitetit, teoritë dhe konceptet juridike të regjimeve totalitare, nga filozofia politike që studion marrëdheniet mes individëve dhe komuniteteve me shtetin, të drejtat dhe detyrimet e qytetarëve, kontratën sociale e shoqërore, dhe pas numrit të shumtë të provave dhe fakteve që prumë arritëm në përfundimin e arsyeshëm, në një aksiomë politike së jemi përpara një grushti shteti dhe se shqiptarët duhet të jenë me dt 2 mars në Bulevardin Deshmorët e Kombit në mbështetje të Presidentit Ilir Meta.
Kjo Besëlidhje Shqiptare Kuq e Zi, ky puritantizëm gjithëpopullor duhet ti thotë;
Po Shqipërisë.
Po Kushtetutës.
Jo grushtit të shtetit.
Jo shpopullimit të Shqipërisë.
Të gjithë të barbartë para ligjit.
Sllogani i fundit na sjell në vemendje filozofin Emanuel Kant që na ka lanë sentencën:
“Yjet janë mbi mua, dhe ligji moral për mua”, apo Atin e ekzistencializmit Kierkegard;
“E vetmja gjë që më ban të ndihem i sigurtë është liria”. Por liria vjen siç thekson Sartori tek “teoritë mbi demokracinë” atëherë kur të ketë “Më shumë demos se sa kraci”.
Pra demokracia ekziston kur marrëdheniet midis të qeverisurve dhe qeverisë i përmbahen parimit se shteti është në sherbim të qytetarit dhe jo qytetari në sherbim të shtetit.
Presidenti Benxhamin Franklin na ka lënë aforizmin:
“Kush heq dorë nga liria për të patur një siguri të përkohëshme nuk e meriton as lirinë as sigurinë”.
Sigurisht me me dt 2 mars lumenjtë e qytetarëve do të përmbytin Bulevardin Deshmorët e Kombit dhe deti Kuqezi do të besëlidhet si në kohën e Motit të Madh, duke çertifikuar një referendum në emër të Shqipërisë për të mbrojtur Demokracinë, Republikën, Kushtetutën dhe lirinë e gjithësecilit.
Duke i kerkuar ndjesë Rilindasit të madh Anton Zako Çajupi për tjetërsimin e vargut po e mbyll këtë shkrim me fjalët e tij lapidare:
“Shipërinë e mori vulgu i vu zjarr’
Shqiptar mos rri po duku shqiptar
Erdhi dita të ngresh kokë të kërkosh
Lirinë, bashkë me shokë të luftosh”.
Sovrani duhet ti thotë stop grushtit të shtetit.
Populli e ka votuar me referendum kushtetutën dhe e ka të drejtën hyjnore ta mbrojë atë.