Ora, si rëndomë gjatë dekadave të fundit, do të ndryshojë të dielën e fundit të tetorit.
Akrepat do të kthehen përsëri për një orë prapa. Gjithmonë në natën ndërmjet të shtunës dhe të dielës fillon periudha e ndryshimit të orës, duke lëvizur akrepat prapa për një orë.
Siç ka ndodhur çdo vit, në fundjavën e fundit të tetorit do të përfundojë ora verore, akrepat e së cilës do të kthehen 60 minuta prapa dhe kështu zgjat deri në fundjavën e fundit të marsit.
Të dielën më 27 tetor në orën 03:00 akrepat kthehen 60 minuta pas, duke na mundësuar atë ditë që të flemë një orë më shumë.
Ndryshimi i orës në kontinentin evropian u vendos si ligj evropian në vitin 1981. Zhvendosja e akrepave në Evropën Perëndimore është vendosur në fillim të viteve ‘70-ta me shpjegimin se me këtë “zgjatet” dita, rritet produktiviteti, përmirësohet aftësimi i njerëzve dhe dita e punës bëhet më efikase.
Megjithatë, siç transmeton rtk, BE do të heqë dorë nga ndryshimi dy herë në vit i akrepave të orës, e për këtë u ka dhënë vendeve anëtare kohë deri vitin 2021 për të vendosur nëse duan të qëndrojnë me orën verore apo atë dimërore.
