Disa shkencëtarë nga Arabia Saudite kanë arritur të krijojnë një panel diellor i cili jo vetëm prodhon energji, por ai gjithashtu siguron edhe ujë të pijshëm.
Pajisja e re përdor disa nga nxehtësia e tepërt për të avulluar ujin e detit, dhe shpikësi i tij thotë se shpreson se do të ndihmojë shkretëtirat të lulëzojnë dhe të sjellin ujë të pijshëm të pastër për miliona njerëz që vuajnë nga mungesa e ujit.
Shpresohet se paneli mund të ndihmojë në përmbushjen e kërkesës në rritje për energji dhe ujë të pastër. Megjithëse ideja për të kombinuar të dy instrumentet është konsideruar në të kaluarën, prototipet e mëparshme kanë qenë shumë joefikase për të qenë praktike. Për të zgjidhur këtë problem, dizajni më i fundit e ripërdor nxehtësinë e prodhuar kur uji avullon pas fazës së distilimit.
Shkencëtarët shpjegojnë se pajisja ka një panel diellor në krye që konverton energjinë diellore në energji normale. Ky panel diellor prodhon nxehtësi si një efekt anësor, i cili mund të shfrytëzohet për të ngrohur ujin e pisët ndërsa ai kalon nën të, duke e bërë atë që të avullojë.
Më pas kalon nëpër një shtresë poroze membrane e cila pastron avujt e ujit para se të kondensohet dhe hidhet larg.Procesi pastaj vazhdon nëpër disa shtresa para se uji i pastër të grumbullohet përfundimisht në një enë. Studiuesit kanë thënë se pajisja do të punojë në ujin e detit, ujin sipërfaqësor të kontaminuar dhe ujërat nëntokësore.
Ne do të punojmë për përmirësimin e mëtejshëm të performancës, duke e zgjeruar fabrikimin dhe duke zvogëluar koston e fabrikimit të pajisjes u shpreh një prej krijuesve të saj.
