Zeqir Lushaj, me babain Sadik Selmani duke dredhur cigare në Gri-Tropojë (1976)
Sot, aaa… jam çitizen,
(Garip me pasaportë), *
Sot, jam + (plus),
+(plus), një amerikan,
Amerikan…, Fiks.
Me gojë e shkrim u betova,
Për Kushtetutën e U.S.
Pa kalkulime algjebrike,
Pa ndonjë…“X” (iks).
Puna ma deshti këtë punë,
Për mirë firmosa, -miku im,
Betimin, duhet që të mbaj,
Çdo shkelje, jo-veç fajsim.
…!
Tjetërkushi më duket vetja,
(Jetim, adaptuar tek të tjerët!),
“Shkoi shyta me nxjerr brinat,
Por thonë se: -i la edhe veshët” . **
Dy shtetësia = dyzim,
Kur nuk vlejta Unë i tëri,
Po gjysma ime, vallë,
Vallë kujt në punë i hyn?
./.
*Shprehje kuksiane. (Një djal që mbahej “garip”, për koinçidencë e kishte edhe emrin Garip. Ndaj i thirrshin: -Garip me pasaportë).
**Shprehje e vjetër, për ata që, duke kërkuar më shumë, shpesh, e hupin edhe atë që e kan.
./.
Nxjerrë nga libri i autorit Z. LUSHAJ: “Si n’kurbet bre vëlla!”)
