Nga ILIR KADIA
Një nga gazetarët e brezit të parë të BBC-së në shqip, atij brezi prej 1940-1967 më ftoi në shtëpinë e tij jo shumë larg Londrës. Gruan e kish gjermane. Kish katër fëmijë, aherë në fillim të viteve 2000, të gjithë rrotull moshës time.
E pyeta për emrat dhe u gëzova shumë që të tërë emrat i kishin emra shqiptar.
Gumëzhin shtëpia nga shqipja kur mblidheni! -i thashë.
Jo, tha. Nuk e flasin shqipen! Ato pak fjalë të fëminisë i kanë harruar fare.
Shqip tani vetëm unë flas e ndjej! -tha ai dhe mua mu duk sikur edhe shqipja e ballsamosur varur në mur ishte me flatra fallco.
