Mediat gjermane raportojnë se Frank Riberi ka rinovuar dhe për një tjetër sezon kontratën me Bajernin e Mynihut. Kontrata e francezit skadonte në fund të këtij sezoni, por drejtuesit e klubit bavarez vendosën të mbajnë 35-vjeçarin dhe për një tjetër sezon. “Bild” dhe “Kicker” raportojnë se Riberi shihet si pikë referimi për lojtarët e rinj në ekip dhe prania e tij do i shërbejë rritjes së tyre. Kushtet financiare të kontratës ende nuk bëhen të ditura. Aktualisht Riberi luan sezonin e dhjetë me Bajernin që nga koha kur u transferua nga Olimpiku i Marsejës në vitin 2007-ë.