E mërkurë, 18 nëntor 2026

Rubrikat

Mbështet Limit.al

UEFA Champions League 2017/18, sa është shuma e shpërblimeve për klubet pjesëmarrëse?

UEFA njoftoi zyrtarisht shumën e shpërblimeve për Champions League, sezoni 2017/2018, të cilat u janë shpërndarë klubeve pjesëmarrëse. Organizmi më i madh i futbollit në Europë bëri të ditur që mes klubeve pjesëmarrëse në fazën e grupeve të kompeticionit janë shpërndarë më shumë se 1,412 miliardë euro.

Sa i përket sistemit të shpërndarjes së shpërblimeve për ciklin trevjeçar 2015/18, të gjithë të ardhurat neto nga kompeticionet për klube – duke përfshirë shitjen e biletave dhe paketave hospitality për finalen e UEFA Champions League dhe UEFA Europa League, si dhe Superkupës – janë rishpërndarë mes klubeve pjesëmarrëse në këto dy kompeticione.

Të ardhurat Champions League 2017 2018 – shpërndarja e shpërblimeve

Çdo klub ka përfituar një shpërblim minimal prej 12,7 milionë eurosh për pjesëmarrjen në fazën e grupeve. Përveç kësaj, klubet kanë marrë shpërblime shtesë që lidhen me performancën e tyre: 1,5 milionë euro për çdo fitore dhe 500.000 në rast se ndeshja ka përfunduar barazim. Shpërblime shtesë janë dhënë për çdo fazë me eliminim direkt: 6 milionë euro për fazën e 1/8; 6,5 milionë për fazën çerekfinale dhe 7,5 milionë euro për gjysmëfinalet.

Rezultatet e klubeve të mëdha

Real Madrid, fituesi i trofeut të Champions League ka përfituar 88,654 milionë euro, 7 milionë euro më shumë se klubi finalist, Liverpool, 81,283 milionë euro. Ndër klubet e mëdha angleze, Manchester United ka përfituar 40,347 milionë, ndërsa rivalët, Manchester City, 63,821 milionë euro.
Barcelona, e eliminuar në fazën çerekfinale nga Roma, ndalet në 57,439 milionë euro. Dy të mëdhenjtë e Francës dhe Gjermanisë kanë përfituar respektivisht 62,058 milionë euro (Paris Saint-Germain) e 70,494 milionë (Bayern München).

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport