E mërkurë, 18 nëntor 2026

Rubrikat

Mbështet Limit.al

Udhëtuan 31 orë për skuadrën e zemrës, por ndeshja u anulua për shkak të borës

Reshjet e dëborës në Angli, bënë që sfida mes Burnley-t dhe Tottenhamit të anulohej rreth 60 minuta para startit, por ky vendim i organizatorëve zhgënjeu jo pak çiftin amerikan Ken dhe Brandi Saxton.

Të dy kishin udhëtuar për 31 orë, fillimisht nga Dallasi drejt Londrës e më pas në Burnley, për të ndjekur ndeshjen e “Spurs”-ave, por u zhgënjyen pa masë kur mësuan se kjo sakrificë nuk do të shpërblehej, pasi sfida nuk do të luhej.

Histori e treguar nga çifti në Twitter, ka prekur jo pak kapitenin e Tottenhamit dhe kombëtares angleze, Harry Kane, që ka vendosur të bëjë një gjest mjaft interesant, duke i ftuar të dy në një ndeshje të Spurs-ave në Londër, shkruan Super Sport.

“Sapo kam marrë këtë tweet dhe ndihem vërtetë zemërthyer për ju. Për shkak të impenjimit tuaj dhe për të rikuperuar anulimin e ndeshjes, u ftoj në një ndeshje në shtëpi, si miqtë e mi, kur të jeni herë tjetër në Londër”, shkroi kapiteni Harry Kane.

Ndërkohë, pas anulimit të ndeshjes, çifti amerikan zgjodhi të argëtohej për disa orë në një pab anglez e më pas në dëborë shkruan Coys (Come on you Spurs).

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport