E mërkurë, 18 nëntor 2026

Rubrikat

Mbështet Limit.al

Tri skuadra të lumtura, ja si përfitojnë nga triumfi i Chelsea

Fituesi i Ligës së Europës në Baku kishte një “çmim” shtesë, përveç trofeut: vend i drejtpërdrejtë në Ligën e Kampionëve, edicionin e ardhshëm. Për Arsenalin e Unai Emery, fitorja e munguar do të kishte qenë edhe më e rëndësishme, pasi do të siguronte pjesëmarrjen në kompeticionin më të rëndësishëm për klubet në Europë, gjëje që s’ia arriti dot përmes renditjes në “top 4” të Premier League.

Finalen e mbrëmshme e fitoi Chelsea, që e kishte siguruar garën maksimale kontinentale edhe si i treti në Premier League. “Topçinjtë” e përfunduan kampionatin në Angli të pestët dhe vetëm triumfi në finalen e Bakut do t’iu mundësonte atyre një vend në Champions (2019-2020). E kundërta ndodhi, ndaj të besuarit e Unai Emery do të luajnë në “Europa League”, sezonin e ardhshëm.

Po kush përfiton nga verdikti i së mërkurës mbrëma, në kryeqytetin azerbajxhanas? Këtë fat të madh e ka Olympique Lyon, i cili u rendit i treti në Ligue 1 (Francë). Me këtë pozicionim në kampionatin përkatës, skuadra e njohur franceze do t’i bashkohej Champions-it në raundin e tretë kualifikues. Tashmë, me fitoren e Chelsea, Lyon shkon direkt në fazën e grupeve. Dy ekipet e tjera, që përfitojnë nga blutë e Londrës janë: Basaksehir (i dyti, në Turqi) dhe LASK Linz (i dyti në Austri).

Të dyja ekipet do të nisin të luajnë në Ligën e Kampionëve një raund më tej kualifikues. Pra, ato do të bashkohen me këtë garë në raundin e tretë e jo të dytë. Fitorja, gjithashtu, i dha Chelsea një bonus shtesë. Në shortin e fazës në grupe të këtij kompeticioni, sezonin e ardhshëm, londinezët do të spostohen nga vazo 2 në vazon 1, si kampionë të “Europa League”.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport