E mërkurë, 18 nëntor 2026

Rubrikat

Mbështet Limit.al

Topi i Artë, Aguero përjashton Messi-n dhe Ronaldo-n nga gara

Sergio Aguero, ylli i Manchester City-t, ka një ide të qartë në lidhje me kriterin që duhet të plotësojë fituesi i ardhshëm i Topit të Artë. Sipas argjentinasit, pasardhësi i Luka Modric duhet të dalë nga dy skuadrat finaliste të Champions League. “Mendoj se fituesi i Topit të Artë duhet të ketë marrë pjesë patjetër në finalen e Champions-it”, ka thënë “Kun”.

Me pak fjalë, një lojtarë i Liverpool-it ose i Tottenham-it. Me këto fjalë, Aguero ka përjashtuar nga gara Leo Messi-n dhe Cristiano Ronaldo-n, ashtu si veten e tij dhe shokët e skuadrës së City-t.

Cilët janë favoritët për ta fituar trofeun prestigjioz, nëse bazohemi te kriteri i argjentinasit? Te Liverpool ka dy emra mbi të gjithë: Mohamed Salah, golashënues më i mirë (bashkë me Mane dhe Aubameyang) në Premier League për vitin e dytë radhazi, dhe Virgil van Dijk, i zgjedhur nga kolegët si lojtari më  i mirë i këtij sezoni në Premier League.

Holandezi ka një as nën mëngë, sepse mund të fitojë edhe Nations League me kombëtaren e tij. E njëjta gjë vlen edhe për sulmuesin e Tottenham, Harry Kane. Anglezi ka munguar në gjysmëfinale, por mund të kthehet në fushë për finalen e madhe dhe të udhëheqë “Tre Luanët” drejt suksesit në Nations League.

A do të ketë të drejtë Aguero? Ku i dihet. Sigurisht, “Pleshti” dhe CR7 nuk do të jenë aspak të lumtur me deklaratën e tij.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport