E mërkurë, 18 nëntor 2026

Rubrikat

Mbështet Limit.al

Tirana rikthehet në krye të Superligës, Partizani “ngec” në Rrogozhinë

Tirana e nis në mënyrën më të mirë të mundshme fazën e katërt të Superligës shqiptare, duke mposhtur Kukësin me rezultatin 2-1. Bardheblutë njëkohësisht u rikthyen në krye të renditjes së kategorisë superiore, duke përfituar dhe nga hapi fals i Partizanit në Rrogozhinë, ndaj Egnatias. Në Elbasan Arena u zhvillua një ndeshje e luftuar, me të dyja skuadrat që kujdeseshin për të mos pësuar. Rastet për shënim ishin me pikatore në pjesën e parë, me kryeqytetasit që u treguan më cinik, duke gjetur golin e avantazhit, në minutën e 42-të me Hilën.

Pjesa e parë u mbyll me shifrat 1-0.

Në fraksionin e dytë të lojës Kukësi reagoi dhe u hodh në sulm, për gjetjen e golit të barazimit. Verilindorët arritën të vendosin baraspeshën vetëm 6 minuta pas fillimit të pjesës së dytë. Rashiti mposhti Visar Bekajn me një goditje perfekte me kokë, pas zhvillimit të një goditjeje dënimi.

Me kalimin e minutave, Tirana u kthye përsëri në kontroll të sfidës dhe zhvendosi lojën në gjysmë-fushën kundërshtare. Në minutën e 86-të skuadra e Orges Shehit fitoi një 11-metërsh, pas një prekjeje të topit me dorë nga Barbosa.

Florent Hasani merr përsipër goditjen e penalltisë dhe nga pika e bardhë nuk gabon, duke e çuar topin në fundin e rrjetës.

Në kampin bardheblu shpërthen festa, ndërkohë që me këtë triumf Tirana ngjitet e vetme në krye me 50 pikë.

Më herët, Partizani gaboi në Rrogozhinë, duke lëshuar kryesimin e kampionatit. Skuadra e Colella-s u ndal në një barazim 1-1, në një ndeshje tepër emocionuese. ‘Demat’ e nisën mjaft mire sfidën, duke gjetur rrugën e rrjetës me Cristian Mba në minutën e 22-të. Të besuarit e Edlir Tetovës rivendosën baraspeshën në fundin e pjesës së parë, por VAR-i e anuloi për një pozicion të parregullt. Egnatiu nuk u dorëzua dhe gjeti barazimin në limite, kur Zejnullai mposhti portierin Rexhepi në minutën e 91-të./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport