E mërkurë, 18 nëntor 2026

Rubrikat

Mbështet Limit.al

Tirana marshon drejt titullit, barazim me “shije” fitoreje ndaj Partizanit

Emocione, spektakël, tensione, gola të mrekullueshëm dhe në fund një barazim 1-1. Ky ishte epilogu i derbit të kryeqytetit Tirana-Partizani, që në këtë sezon dy rivalët e përjetshëm të njëri-tjetrit luftojnë për fitimin e titullit kampion.

1 pikë e artë për Tiranën, që ka vlerën e një triumfi të madh, pasi i afrohen gjithnjë e më shumë trofeut, ndërsa Partizani do shpresojë te një hap fals i bardhebluve në ndeshjet e mbetura.

Super përballja nisi mirë për bardheblutë, që dhanë sinjalin e parë që në minutën e 7-të. Elvi Berisha shumë pranë portës, godet jashtë katërkëndëshit, duke shpërdoruar një rast të artë.

Edhe të kuqtë shpërdorojnë një rast flagrant, në fundin e pjesës së parë.

Maguette jep nje pasim perfekt për Da Silven, por braziliani ‘fal’ Tiranën me portën e boshatisur.

http://limit.al/wp-content/uploads/2023/05/Rasti-i-Partizanit.mp4

Pjesa e parë e lojës u mbyll pa gola.

Skuadra e Colellas e nis mirë 45-minutëshin e dytë, duke gjetur golin e epërsisë në minutën e 53-të.

Victor Da Silva kësaj radhe nuk gabon shënjestër dhe mposht Visar Bekajn, duke bërë që të shpërthejë festa në kampin e kuq.

http://limit.al/wp-content/uploads/2023/05/Goli-i-Partizanit.mp4

Ndeshja u ndërpre për disa minuta, pas hedhjes në fushë të flakadanëve dhe kapsollave nga ana e tifozëve të Tiranës.

Pas rifillimit të lojës, të besuarit e Orges Shehit u hodhën në sulm, me synim gjetjen e golit të barazimit dhe këtë gjë e arrijnë në minutën e 81-të.

Ardit Deliu lëshoi një predhë nga distanca, duke mposhtur portierin Rexhepi e duke shënuar një gol fantastik.

http://limit.al/wp-content/uploads/2023/05/Goli-i-Tiranës.mp4

Minutat e mbetura të lojës nuk prodhuan më rezultat dhe derbi mbyllet në ‘paqe’.

Kur na ndajnë edhe tri javë nga fundi, ekipi bardheblu udhëheq renditjen e Kategorisë Superiore me 60 pikë, ndërsa ‘demat e kuq’ i ndjekin në vend të dytë me 58 pikë./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport