E mërkurë, 18 nëntor 2026

Rubrikat

Mbështet Limit.al

Tifozë, politikanë, artistë kujtojnë legjendën e basketbollit, Kobe Bryant

Adhurues të shumtë të yllit amerikan të basketbollit, Kobe Bryant, i cili humbi jetën bashkë me vajzën e tij 13 vjeçe, u mblodhën në stadiumin e klubit të tij Lakers në Llos Angjelles, duke hedhur lule dhe topa basketbolli në kujtim të tij.

Bryant, 41 vjeç, dhe vajza e tij, Gianna, 13 vjeçe, janë në mesin e nëntë njerëzve të vrarë në një aksident me helikopter, që ndodhi të dielën në Kalabasas të Kalifornisë.

Bryant, pesë herë kampion i NBA-së (Asociacionit Kombëtar të Basketbollit) ka luajtur për LA Lakers gjatë gjithë karrierës së tij 20-vjeçare dhe konsiderohet si një nga lojtarët më të mëdhenj në historinë e basketbollit.

NBA lëshoi një deklaratë, duke thënë se ndjehet “e shkatërruar nga vdekja tragjike e Kobe Bryant dhe vajzës së tij, Gianna”.

“Për 20 sezone, Kobe na tregoi se çfarë është e mundur kur talenti i jashtëzakonshëm përzihet me një përkushtim absolut për të fituar”, tha NBA.

“Lajm i tmerrshëm”, shkroi presidenti i Shteteve të Bashkuara, Donald Trump, në Twitter.

“Humbja e vajzës së tij të bukur, Gianna, e bën këtë moment edhe më shkatërrues”, tha Trump.

Ish-presidenti amerikan, Barack Obama, e përshkroi Bryantin si “një legjendë në fushë”.

Bryant u kujtua edhe në ceremoninë e ndarjes së çmimeve muzikore Grammy, që u mbajt të dielën në Llos Angjelles.

“Të gjithë po ndjejmë trishtim të çmendur tani”, tha nikoqrija e mbrëmjes, Alicia Keys.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport