Teuta fitoi Kupën e Shqipërisë pas 15 vitesh. Një sukses 2-0 durrsakëve në finalen me Tiranën që u zhvillua në të dielën në Air Albania Stadium, pa praninë e tifozëve.
Lojtarët e Teutës u treguan më saktë edhe pse ata të Tiranës patën mundësitë e tyre të shënimit.
Rustem Hoxha kaloi në avantazh ekipin e Edi Martinit pas vetëm 2 minutave lojë. Futbollistët e Tiranës nuk i shfrytëzuan rastet e paraqitura dhe në të 78’, Lorenco Vila realizoi golin e dytë për të sjellë festën e Teutës.



