“Shkëndija” e Tetovës bëri historinë. Kuqezinjtë kaluan në raundin e tretë të Champions League, pasi eleminuan ekipin “Sheriff Tiraspol” nga Moldavia.
“Shkëndija” luajti baraz, 0:0, në ndeshjen e kthimit kundër moldavëve, por vazhdon më tutje falë fitores minimale që shënoi në Tetovë, në ndeshjen e parë.
Në fazën e tretë, “Shkëndijën” e pret një ndeshje aspak e lehtë, pasi do të përballet me gjigantët austriakë të “Salzburgut”, të cilët sezonin e kaluar mbërritën deri në gjysmëfinale të Ligës së Evropës.



