E mërkurë, 18 nëntor 2026

Rubrikat

Mbështet Limit.al

Seria A, “luftë” e ashpër për zonën Champions, Inter tërmet 6 ballësh Veronës, Milan bën “vetëvrasje”, Gjimshiti jep asist

Kur po i drejtohemi fundit të kampionatit, lufta në Seria A po bëhet gjithnjë edhe më e fortë, me 6 skuadra të cilat po luftojnë për të zënë një vend në Champions League sezonin e ardhshëm. Inter i shkaktoi një tërmet 6 ballësh Veronës, duke i mposhtur 0-6, në ‘Bentegodi’. Një autogol i Gaich në minutën e 31-të dhe golat e Calhanoglu në të 36-n dhe Dzeko në të 38-n, ‘vranë’ sfidën që në pjesën e parë me rezultatin 0-3.

Në fraksionin e dytë të lojës, skuadra e Inzaghit gjeti edhe tri herë të tjera rrugën e rrjetës. Dy herë Lautaro Martinez në minutat 55 dhe 92 dhe Dzeko në të 61-ën i shkaktuan Veronës për herë të parë, disfatën më të thellë në histori, me mbi 5 gola në ndeshjet e zhvilluara në shtëpi.

Milan bën ‘vetëvrasje’ në ‘San Siro’. Kuqezinjtë gabuan ndaj Cremoneses, duke u ndalur në një barazim 1-1. Pioli vendosi të lërë pushim shumë prej lojtarëve titullar, duke bërë një ‘turnover’, por kjo gjë rezultoi një zgjedhje e gabuar. Okereke surprizoi milanezët, duke zhbllokuar sfidën në minutën e 77-të.

Junnior Messias shpëtoi nderin e Milanit, duke evituar disfatën në minutën e 93-të.

Roma ‘ngec’ në transfertë ndaj Monzas. Verdhekuqtë barazuan 1-1, në një sfidë që pati tepër polemika nga ana e kryeqytetasve, për gjykimin e lojës. El Shaarawy shënoi për Romën në minutën e 24-t, ndërsa për Monzan Caldirola vendosi baraspeshën, në minutën e 39-të.

Juventus kaloi pengesën Lecce, duke triumfuar me shifrat 2-1. Për bardhezinjtë shënoi Paredes, pas vetëm çerek oresh lojë. Ceesay vendosi përkohësisht baraspeshën, nga pika e bardhë e penalltisë, ndërsa Vlahoviç i dha fitoren skuadrës së tij, me golin e realizuar në minutën e 40-të.

Fitore edhe për Lazion, që mundi 2-0 Sassuolon. Felipe Anderson dhe Basiç ishin autorët e golave për skuadrën e Sarrit.

Atalanta kaloi me shumë vështirësi Spezian. Bergamaskët arritën sukses me shifrat 3-2. Një paraqitje fantastike dhuroi edhe mbrojtësi kombëtares shqiptare Berat Gjimshiti, i cili madje dhuroi edhe një asist për Muriel, te goli i tretë./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport