E mërkurë, 18 nëntor 2026

Rubrikat

Mbështet Limit.al

Seferi protagonist absolut te Vorskla Poltava në Ukrainë, Tuci i jep fitoren Lokomotivës së Zagrebit

Taulant Seferi po kalon një moment fantastik në kampionatin ukrainas.

Sulmuesi shqiptar ishte protagonist absolut në fitoren e fundit të skuadrës së tij Vorskla Poltava, ndaj Metalistit të Kharkivit, me rezultatin 3-2.

Seferi realizoi dopietë në pjesën e parë, të dyja me anë të një 11-metërshi. Ndërkohë bomberi kuqezi shpërdoroi edhe një mundësi të artë për të realizuar hat-trick, kur në minutën e 30-të gaboi nga pika e bardhë e penalltisë.

http://limit.al/wp-content/uploads/2023/04/GOLI-I-PARË-I-TALUANT-SEFERIT.mp4

Seferi vendosi baraspeshën në minutën e 26-të. Në minutën e 46-të të pjesës së parë, 26-vjeçari shënoi edhe të dytin.

http://limit.al/wp-content/uploads/2023/04/PENALLTIA-E-HUMBUR-TALUAN-SEFERI.mp4

Me këtë dopietë, ish-sulmuesi i Tiranës kapi kuotën e 11 golave në kampionat, në 21 sfida të luajtura për Vorsklan.

http://limit.al/wp-content/uploads/2023/04/GOLI-I-DYTË-I-TAULANT-SEFERIT.mp4

Paraqitja dhe forma e mirë që po kalon, kanë bërë që Seferi të marrë ftesën nga Silvinjo, për të qenë pjesë e kombëtares.

Ndërkohë edhe Indrit Tuci gjeti rrugën e rrjetës në Kroaci, me skuadrën e Lokomotivës së Zagrebit.

Kurbinasi hyri nga stoli dhe arriti të shënojë golin e fitores së Lokomotivën ndaj Sibenikut, në minutën e 81-të.

22-vjeçari u zhyt bukur me kokë dhe dërgoi topin në fundin e rrjetës, duke mposhtur portierin kundërshtar. Ky ishte goli i 5-të sezonal në elitën e futbollit kroat për Tucin, i cili numëron edhe 3 asiste.

Për skuadrën nga kryeqyteti i Kroacisë, luajtën si titullarë edhe Jon Mersinaj dhe Art Smakaj./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport