E mërkurë, 18 nëntor 2026

Rubrikat

Mbështet Limit.al

Rrugëtimi deri në Budapest, Sevilla dhe Roma “përplasin brirët” në finalen e Europa League

“Mbretëresha” Sevilla kundër Romës së “mjeshtrit” të finaleve Mourinho.

Kjo do të jetë finalja e madhe e Europa League, që do të startoj në orën 21:00, në ‘Puskas Arena’ të Budapestit.

Skuadra andaluziane, e cila është ekspertja e Europa League, do të kërkojë të fitojë trofeun e 7-të në këtë kompeticion.

Nga ana tjetër, Roma me në krye një prej trajnerëve më të sukseshëm dhe ekspert të tilla finaleve, do të kërkojnë triumfin e dytë radhazi në një turne kontinental, pas atij të vitit të shkuar në Ligën e Konferencës.

Rrugëtimi i të dyja ekipeve, deri në Hungari nuk ka qenë aspak i lehtë për spanjollët dhe italianët, por ata ja dolën të kalonin çdo pengesë.

Sevilla e nisi këtë rrugëtim nga pjesëmarrja në Champions League. Andaluzianët u renditën në vendin e tretë të grupit G, ku bënin pjesë edhe Manchester City, Dortmund dhe Copenhagen, e duke lënë pas në renditje vetëm këta të fundit.

Në play-off-in për 1/16-at e Ligës së Europës, Sevilla kaloi holandezët e PSV, ndërsa më pas ‘likuidoi’ turqit e Fenerbahce me jo pak vështirësi.

Të besuarit e Mendilibar zhvilluan një paraqitje fantastike në çerek-finale, duke mposhtur Manchester United.

Në gjysmë-finale, Sevilla eleminoi një ‘kockë’ të fortë si Juventusi, ku në ndeshjen e dytë në ‘Ramon Sanchez Pizjuan’ u deshën 120 minuta lojë për të përcaktuar finalistin.

Nga krahu tjetër, Roma u rendit në vendin e dytë të grupit C, në Europa League, ku bënin pjesë edhe Betis, Ludogorets dhe HJK.

Në fazën me eleminim direkt, ‘verdhekuqtë’ kaluan pengesat Salzburg, Real Sociedad, Feyenoord dhe në gjysmë-finale kaluan gjermanët e Bayer Leverkusen.

Ndërkohë, në katër ndeshje ku Sevilla dhe Roma janë përballur së bashku, Sevilla ka fituar dy, Roma një dhe një sfidë është mbyllur në barazim./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport