E mërkurë, 18 nëntor 2026

Rubrikat

Mbështet Limit.al

Real Madrid-Manchester City mbyllet me spektakël, Vinicius Junior dhe De Bruyne realizojnë dy “vepra arti”

Në ‘Santiago Bernabeu’ nuk ka fitues. Finalja e parakohshme e Champions League mes Realit të Madridit dhe Manchester Cityt u mbyll në barazim 1-1.

Akti i parë gjysmë-final mes tyre prodhoi një sfidë spektakolare, me dy gola kryevepër njëri më i bukur se tjetri.

Anglezët e nisën më mirë përballjen, ku morën kontrollin e lojës dhe tentuan në disa raste portën e Courtois, por pa ja arritur dot të shënonin.

Real Madrid tregoi edhe njëherë vlerat në këtë kompeticion dhe arriti të godasë Cityn në momentin e tyre më të mirë.

Një kundërsulm ideal nga ana e lojtarëve madrilenë, me Camavinga që bën gjithçka mirë dhe jep një pas për Vinicius Junior. Braziliani realizon një super gol në minutën 36-të, duke mposhtur portierin Ederson.

Pjesa e dytë e lojës nis njëlloj si 45-minutëshi i parë. Manchester City vijon me kontrollin dhe zotërimin e lojës, ndërkohë që mundi i skuadrës së Guardiolas shpërblehet në minutën e 67-të.

Kevin De Bruyne lëshoi një të djathtë të hidhur, duke shënuar një kryevepër nga jashtë zone.

Të besuarit e Ancelottit tentuan të kalonin sërish në epërsi. Benzema dhe Tchouameni tentuan portën, por u ndalën nga Ederson.

Super dueli mbyllet 1-1 dhe kualifikimi për njërën nga skuadrat mbetet të vendoset në ‘Etihad Stadium’, javën e ardhshme./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport