E mërkurë, 18 nëntor 2026

Rubrikat

Mbështet Limit.al

Rafael Nadal shënon fitoren e njëmijtë në karrierë

Rafael Nadal, një ndër tenistët më të mirë të të gjitha kohërave, me 20 çmime Grand Slam, shënoi një tjetër moment të rëndësishëm në karrierën e tij të mërkurën, me fitoren e ndeshjes së njëmijtë

Me fitoren përballë Feliciano Lopez në “Rolex Paris Masters”, Rafael Nadal fitoi zyrtarisht ndeshjen e njëmijtë në ATP Tour.

Tenistit spanjoll, Rafael Nadal, i janë dashur rreth 18 vjet për të arritur fitoren e njëmijtë që nga ndeshja e parë e fituar në Majorka, Spanjë, në vitin 2002.

Sipas ATP Tour, Nadal është tenisti i katërt në histori që ka arritur fitore me katër shifra, pas të mëdhenjve Jimmy Connors, Ivan Lendl dhe rivalit të tij, Roger Federer.

Pikërisht muajin e kaluar, Rafael Nadal fitoi “French Open” në France, duke shënuar fitoren e 20 në Grande Slam.

“Të fitosh 1000 ndeshje] do të thotë se jam i vjetër. Do të thotë se kam luajtur mirë për kaq shumë kohë” – tha Nadal. “Luaj mirë prej shumë vitesh dhe [kjo] është diçka që më bën të lumtur”.

Përveç arritjeve në fushë, Rafael Nadal është një ndër atletët më të suksesshëm. Në maj 2020, Nadal u rendit në vend të 27 në klasifikimin e Forbes të “Atletëve më të paguar në botë”, pasuria e të cilit vlerësohet 40 milionë dollarë deri në këtë moment. Që prej vitit 2001, kur Nadal luan si tenist profesionit, ka fituar 121 milionë dollarë në çmime.

Burimi: Forbes

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport