E mërkurë, 18 nëntor 2026

Rubrikat

Mbështet Limit.al

Partizani shpreson ende te titulli, Laçi drejt Europës, Bylis drejt rënies nga kategoria

Partizani mori 3 pikë të arta ndaj Erzenit, duke mbajtur gjallë shpresat për titullin kampion. Të kuqtë kryeqytetas mposhtën në transfertë shijakasit me rezultatin 1-2, në ndeshjen e javës së 31-të të Kategorisë Superiore. Sfida e zhvilluar në ‘Niko Dovana’ të qytetit të Durrësit, nisi mirë për kryeqytetasit, të cilët tentuan në disa raste të rrezikonin portën e Xhikës, por pa ja dalë dot. Në minutat e fundit të pjesës së parë, Erzeni rrezikoi në 2 raste, por Rexhepi fillimisht grushtoi një kros të Alan, që ishte nisur në drejtim të Ademit, e më pas tentativa e Osmanllarit nuk gjen kuadratin e portës.

Pas një pjese të parë të mbyllur pa gola, takimi u zhbllokua në minutën e 60-të. Një skemë perfekte nga një goditje dënimi, me Da Silvën, që mposht me lehtësi portierin e shijakasve.

Pas këtij goli të shënuar, të besuarit e Giovanni Colellës realizuan edhe të dytin në minutën e 86-të. Hoti shënoi një gol mjaft të bukur, duke e çuar topin në fundin e rrjetës.

Arbitri akordon 5 minuta shtesë, por për shkak të ndalesa të shumta, luhen deri në të 99-ën, kur skuadra e Xhevair Kapllanit realizon një gol thjesht sa për statistikë. Kahrimanoviç shënoi me atë të një 11-metërshi.

Me këtë gol mbyllet dhe ndeshja. Partizani me këtë fitore shkon në kuotën e 54 pikëve, ndërsa Erzeni mbetet pranë zonës së ftohtë, me vetëm 38 pikë.

Laçi triumfon ndaj Bylisit dhe sheh drejt Europës, ndërsa mallakastriotët e shohin veten drejt rënies nga kategoria. Sfida për llogari të javës së 31-të të Superligës shqiptare, përfundoi me suksesin e kurbinasve në transfertë, me rezultatin 0-2. Ballshiotët zhvilluan një paraqitje të mirë, duke krijuar raste të pafundme për shënim, por laçianët u treguan më cinik, duke i ndëshkuar 2 herë.

Takimi nisi më mirë për vendasit, por ishin lojtarët e Laçit ata që gjetën golin e avantazhit. Pas një kundërsulmi të bukur, skuadra e Stavri Nicës kalon në epërsi, me golin e shënuar nga Stiven Bibo në minutën e 30-të.

Me shifrat 0-1 mbyllet pjesa e parë e lojës.

Në fraksionin e dytë, ishte sërish Bylis që tentoi disa herë portën e mbrojtur nga Selmani, por pa gjetur dot kordinatat e sakta. Në fund, miqtë gjetën sërish golin e dytë me anë të një kundërsulmi. Në minutën e 91-të, Babatunde i gjendur përpara portës së Teqjajt, nuk gabon dhe vulos suksesin e ekipit të tij. Ndeshja përfundon me shifrat 0-2./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport