E mërkurë, 18 nëntor 2026

Rubrikat

Mbështet Limit.al

Napoli mposht Juven dhe është vetëm 90 minuta larg titullit, Milan e Inter bëjnë detyrën ndaj Lecces dhe Empolit

Juventus-Napoli ishte kryendeshja e javës së 31-të në Seria A. Skuadra e Spallettit arriti të triumfojë me rezultatin 0-1, me golin e vetëm të sfidës të shënuar nga Raspadori në çastet e fundit të ndeshjes. Napoletanët dolën me 3 pikë të arta nga ‘Allianz Stadium’, duke u afruar me vetëm 90 minuta larg titullit kampion.

Në Torino u zhvillua një ndeshje e ekuilibruar, por me miqtë që dominuan për sa i përket zotërimit të topit. Polemikat nuk munguan në këtë përballje, kur sistemi VAR ndërhyri në minutën e 83-të, duke i anulluar golin Di Marias, për shkak të një goditjeje dënimi të shkaktuar nga bardhezinjtë, në nisje të aksionit.

Më pas erdhi edhe goli kryesuesëve të kampionatit italian. Raspadori i dha suksesin në minutën e 93-të skuadrës së tij.

Kur kanë mbetur edhe 7 ndeshje për tu zhvilluar, Napoli udhëheq në krye me 78 pikë, 17 pikë më shumë se vendi i dytë që mbahet nga Lazio.

Më herët, Milan mposhti me shifrat 2-0 Leccen. Kuqezinjtë iu falën golave të shënuar nga Rafael Leao, nga një për çdo pjesë.

Fillimisht portugezi realizoi me kokë në minutën e 40-të, e më pas me një aksion të bukur personal vulosi takimin në minutën e 75-të.

Në këtë mënyrë, të besuarit e Piolit rikthehen tek fitorja në kampionat, pas dy barazimeve radhazi dhe me entuziazmin e kualifikimit për në gjysmë-finale të Champions League.

Ndërkohë edhe Inter u rikthye tek suksesi në Seria A, pas 5 rezultateve negative. Zikaltërit mposhtën në transfertë Empolin me shifrat 0-3. Lukaku dhe Lautaro Martinez i dhanë fitoren ekipit të Simone Inzaghit.

Sulmuesi belg realizoi dopietë, me golat e shënuar në minutën e 48-të dhe 76-të, ndërsa Martinez në minutën e 88-të hipotekoi 3-pikëshin./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport