E mërkurë, 18 nëntor 2026

Rubrikat

Mbështet Limit.al

Myrto Uzuni sërish hero për Granadan, i jep 1 pikë skuadrës ndaj Alaves dhe i afrohet rekordit historik

Myrto Uzuni nuk di të ndalet në ligën e dytë spanjolle. Sulmuesi i Kombëtares shqiptare realizoi një tjetër gol me fanellën e Granadas, kësaj radhe në barazimin 1-1 ndaj Alaves.

Beratasi zhbllokoi sfidën në minutën e 22-të, nga pika e bardhë e penalltisë, me 11-metërshin që e fitoi po vetë ai.

Uzuni goditi në mënyrë perfekte penalltinë, duke e çuar topin në cepin e djathtë të shtyllës pingule, e duke mos i dhënë asnjë shans portierit kundërshtar për të ndërhyrë.

http://limit.al/wp-content/uploads/2023/05/Myrto-Uzuni-2.mp4

Vendasit barazuan takimin në minutën e 66-të. Me golin e realizuar, 27-vjeçari i dha një pikë me shumë vlerë Granadas, ndaj një rivali direkt që lufton për ngjitjen në La Liga.

Ky ishte goli i 22-të i Myrto Uzunit në La Liga 2 me fanellën e Granadas, duke e ndihmuar ekipin drejt ngjitjes në elitë.

Uzuni i afrohet gjithnjë e më shumë rekordit personal. Futbollisti kuqezi është vetëm 1 gol larg shifrës së 23 realizimeve, që është edhe rekordi i klubit, për sa i përket rrjetave të tundura nga një futbollist i vetëm./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport