E mërkurë, 18 nëntor 2026

Rubrikat

Mbështet Limit.al

Milan mban “gjallë” shpresat për Champions, Giroud shënon “hat-trick”-un e parë me fanellën kuqezi ndaj Sampdorias

Pas ‘hidhërimit’ në gjysmë-finale të Champions League ndaj Interit dhe humbjes në kampionat ndaj Spezias, Milan rikthehet te fitorja në Seria A.

Kuqezinjtë reaguan menjëherë pas eleminimit në Ligën e Kampionëve, duke mposhtur Sampdorian me ‘manita’. Milanezët triumfuan me shifrat 5-1, duke e kthyer këtë sfidë në një seancë stërvitore, ndaj një kundërshtari që i ka thënë ‘lamtumirë’ Seria A.

Leao hapi serinë e golave në minutën e 9-të.

Quagliarella vendosi baraspeshën, pas vetëm 11 minutash lojë për miqtë.

40-vjeçari shënoi kështu për të 18-in sezon radhazi të paktën 1 gol në Seria A. Vetëm Rivera e Piola me 20 sezone si dhe Totti me 23 sezone radhazi kanë bërë më mirë se ai.

Olivier Giroud realizoi trigolëshin e parë me fanellën kuqezi. Sulmuesi francez shënoi fillimisht në minutën e 23-të. 36-vjeçari shënoi edhe golin e dytë falë një 11-metërshi, në minutën e 26-të. ‘Hat-trick’-un Giroud e kompletoi në minutën e 68-të, ndërkohë që më herët Brahim Diaz kishte shënuar edhe golin e 4-t.

Kur kanë mbetur edhe 3 javë nga fundi i kampionatit, Milan renditet në vendin e pestë me 64 pikë./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport