E mërkurë, 18 nëntor 2026

Rubrikat

Mbështet Limit.al

Messi: Është Botërori im i fundit, mundësia e fundit për të realizuar ëndrrën time

Lionel Messi ka thënë se Kupa e Botës “Katar 2022” do të jetë e fundit për të.

35-vjeçari ka luajtur për Argjentinën në çdo turne të tillë që nga ai i vitit 2006 në Gjermani.

Ai ndihmoi Argjentinën të arrinte në finalen e Kupës së Botës në vitin 2014, të cilën e humbën 1-0 ndaj Gjermanisë, por trofeu i mungon ende.

“Ndihem shumë mirë fizikisht”, tha sulmuesi i Paris Saint-Germain përpara ndeshjes së parë të Argjentinës kundër Arabisë Saudite, që do të zhvillohet nesër.

“Besoj se po arrij në formë shumë të mirë, si personalisht ashtu edhe fizikisht. Nuk ka problem”, shtoi ai.

Messi tha edhe se nuk është përgatitur ndryshe për turneun që për herë të parë luhet në nëntor dhe dhjetor.

“Unë nuk kam bërë asgjë të veçantë. Unë jam kujdesur për veten dhe kam punuar në të njëjtën mënyrë si kam punuar gjatë gjithë karrierës sime duke e ditur që ishte një moment i veçantë. Është Botërori im i fundit. Mundësia ime e fundit për të realizuar ëndrrën time, ëndrrën që ne jemi të gjithë pas”, nënvizoi shtatë herë fituesi i “Topit të Artë”.

“Ne duhet të vazhdojmë për të. Unë kam folur me ta shumë herë për të dëshiruar më shumë, për të ëndërruar. Nuk mund të shqetësoheni për atë që mund të ndodhë. Është e vështirë të mendosh për këtë tani. Kur isha në moshën e tyre nuk e bëja. Ata duhet ta shijojnë këtë. Kupa e Botës është e veçantë. Ajo që do të ndodhë mund të mos përsëritet kurrë”, u shpreh tutje ish-sulmuesi i Barcelonës në konferencën për media.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport