E mërkurë, 18 nëntor 2026

Rubrikat

Mbështet Limit.al

Mbyllet merkato e verës, Seria A thyen rekord në shpenzime

Merkato e transferimeve në Serinë A u mbyll të hënën në mbrëmje, më 2 shtator.

Këtë vit, Seria A regjistroi një rekord të ri shpenzimesh në lidhje me transferimet, me 20 klubet e kampionatit italian që investuan në total 1,18 miliardë euro për blerjen e lojtarëve të rinj. Këto të dhëna janë në rritje krahasuar me vitin e kaluar, kur Seria A investoi 1,12 miliardë dollarë, duke kapërcyer për herë të parë kufirin e 1 miliardëshit.

Sipas të dhënave të faqes “Transfermarkt”, e specializuar në informacione dhe statistika në futboll, investimi i përgjithshëm përfshin blerjen e 704 lojtarëve (një klub ka shpenzuar mesatarisht 59 milionë euro). Në lidhje me të ardhurat, klubet e Serisë A kanë mbledhur më shumë se 840 milionë euro nga shitja e 651 lojtarëve. Në total, bilanci të ardhura / shpenzime është negativ, për rreth 337 milionë euro.

Transfermarkt, ndër të tjera ka bërë edhe klasifikimin e 25 lojtarëve më të shtrenjtë të Serisë A.

Në podium qëndrojnë futbollistë të klubit të Juventusit, Napolit dhe Interit. Natyrisht, vlera e lojtarit nuk korrespondon me çmimin e mundshëm të shitjes.

Në vend të parë qëndron lojtari portugez, Cristiano Ronaldo (Juventus), vlera e të cilit në treg është 90 milionë euro.
Në vend të dytë është sërish klubi i Juventus, me Dybala, vlera e tregut të të cilit është 85 milionë euro. Në vend të tretë, qëndrojnë me vlerë të barabartë, 75 mililionë euro De Ligt (mbrojtës – Juventus), Koulibaly (mbrojtës – Napoli) dhe Lukaku (sulmues – Inter).

Top 25 e lojtarëve më të kushtueshëm të Serisë A përbëhet nga 8 lojtarë të klubit të Juventus; 6 të Napolit, 4 për Interin dhe Milanin, 1 lojtar për Lazion, Fiorentinën dhe Romën.

(Klasifikimi i plotë: https://www.transfermarkt.it/serie-a/marktwerte/wettbewerb/IT1/pos//detailpos/0/altersklasse/alle/plus/1)

Klikoni për ta zmadhuar

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport