E mërkurë, 18 nëntor 2026

Rubrikat

Mbështet Limit.al

Maqedonia e Milevskit ndalet nga Armenia në Shkup

Përfaqësuesja e Maqedonisë nën drejtimin e trajnerit Blagoja Milevski, i cili për herë të parë drejtoi përfaqësuesen A të Maqedonisë, nuk shkoj përtej një barazimi 0-0 ndaj Armenisë.

Pjesa e parë ishte tërësisht e dominuar nga Maqedonia, e cila kishte iniciatvën kryesore në terrenin e gjelbër në stadiumin “Todor Proeski”në Shkup.

Elmasi ishte i pari që u kanos, ndërsa portieri Dimitrievski nuk lejoi që armenasit të kalojnë në epërsi në minutën e 16-të përmes Adamian. Në minutën e 23-të, Alioski nuk arrin të godet, pas asistimit nga Bardhi. Në minutën e 27-të, mbrojtja e Maqedonisë gabon dhe Dimitrievski sërisht ndalon Adamian që të shënojë nga pozita e pastër. Në anën tjetër, në rast ideal ishte Trajkovski, i cili brenda zonës së rrezikut dërgon topin jashtë portës së Armenisë. Në minutën e 35-të, Biçaçan dhe Adamian kaluan lehtë mbrojtjen e Maqedonisë, por sulmuesi armenas u vonua dhe Visar Musliu bllokoi tentimin e tij.

Pjesa e dytë filloi më mirë për mysafirët, të cilët shfrytëzuan lojën e shpejtë në kundërsulme dhe u kanosën në disa raste, por falë fatit sportiv dhe intervenimit me kohë të portierit dhe linjës së fundit të mbrojtjes, rezultati mbeti i njëjti si në fund të pjesës së parë. Mirëpo me ardhjen në lojë të Spirovskit në mesfushë, në vend të Trajkovskit, loja e Maqedonisë u shpejtua dhe Alioski kishte një goditje të drejtpërdrejt nga 20 metra, të cilën me vështirësi e ndaloi portieri mysafirë, Jurçenko. Në vazhdim të ndeshjes, Armenia vazhdoi që të mbrohet por duke rrezikuar përmes kundërsulmeve të shpejta.

Edhe pse me vibracion pozitive, Maqedonia e Milevskit nuk ishte konkrete si edhe në takimet e tjera ndaj Armeninë në Shkup dhe në fund duhej të kënaqej me barazim pa gola. Sfida e radhës për Maqedoninë do të jetë më 5 shtator në terrenin e Islandës.

Në përballjet e tjera të Grupit “J”, Gjermania në transfertë mundi Lihtenshtajnin me 2-0, ndërsa me të njëjtin rezultat, Rumania, poashtu në transfertë mundi Islandën.

Në renditjen tabelare, në vendin e parë është Armenia me 10 pikë, para Gjermanisë me 9 dhe Maqedonisë me 7 pikë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport