Në Lojërat Olimpike në Tokio nuk do të lejohen spektatorët nga jashtë. Vendimi u njoftua pas një takimi të Komitetit Olimpik Ndërkombëtar, qeverisë japoneze, qeverisë së Tokios, Komitetit Paraolimpik Ndërkombëtar dhe organizatorëve lokalë.
“Ne shprehim zhgënjimin e të gjithë tifozëve entuziastë të Olimpiadës nga e gjithë bota, dhe natyrisht familjeve dhe miqve të atletëve, të cilët po planifikonin të vinin në Japoni”, tha presidenti i IOC-së, Thomas Bach.
Lojërat Olimpike Tokio 2020 ishte paraparë të mbahen vitin e kaluar, mirëpo ato u shtynë për shkak të pandemisë. Hapja e tyre do të bëhet më 23 korrik.



