E mërkurë, 18 nëntor 2026

Rubrikat

Mbështet Limit.al

Lewis Hamilton dhe Serena Williams i bashkohen ofertës për të blerë Chelsean

Lewis Hamilton dhe Serena Williams do të investojnë miliona paund për një nga ofertat në garë për t’u bërë pronarët e rinj të klubit të Chelsea.

Sky News shkruan se dy sportistët (7 herë kampioni i botës në Formula 1 dhe ish-numri një në botë i tenisit për femra), bëjnë pjesë në grupin e investitorëve që mbështesin ofertën e blerjes së Chelsea, i cili drejtohet nga Sir Martin Broughton, ish-presidenti i Liverpool dhe drejtuesi i British Airways.

Burime pranë grupit Broughton thanë se Hamilton dhe Williams – anëtarët e profilit më të lartë të një prej tre konsorciumeve të mbetura – kanë premtuar 10 milionë paund secili për ofertën.

Si Hamilton i cili do të garojë për Mercedes në Çmimin e Madh të Emilia Romagna në Imola këtë fundjavë – edhe Williams, e cila ka fituar 23 Grand Slam, mes tyre 7 tituj Wimbledon – në vitet e fundit janë bërë investitorë të rëndësishëm në sektor.

Serena Ventures, fondi i venture capital i yllit të tenisit, njoftoi këtë javë një investim në Opensponsorship, një start-up i teknologjisë sportive në Britaninë e Madhe, ndërsa Hamilton ka mbështetur një sërë kompanish early-stage, si Zapp, aplikacioni për shpërndarjen e shpejtë të ushqimeve me seli në Londër.
Përfshirja e tyre për blerjen e Chelsea është e papritur, pasi Hamilton është një tifoz i Arsenal.

Megjithatë Hamilton dhe Williams, janë në bisedime me grupin e udhëhequr nga Broughton për disa javë. Nuk është ende e qartë se çfarë mjeti do të përdorin Hamilton dhe Williams për të investuar te Blues. Një burim pranë grupit pohoi se vendimi i Hamilton dhe Williams është marrë në bazë të përvojës së tyre në krijimin e markave sportive globale.

Nuk është e para herë që atletë të famshëm mbështesin një klub të Premier League. LeBron James, legjenda e NBA, ka qenë një aksioner i vogël i Liverpool për më shumë se një dekadë. Investitorë të tjerë të grupit i cili udhëhiqet nga Broughton përfshijnë: familjen kanadeze Rogers, John Arnold dhe familjen Tsai në Tajvan.

/ CNBC

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport