E mërkurë, 18 nëntor 2026

Rubrikat

Mbështet Limit.al

Laçi dhe Erzeni bëjnë “paqe” në Kurbin, 1 pikë nuk kënaq asnjërën nga skuadrat

Laçi dhe Erzeni u ndalën në një barazim 1-1, në ndeshjen e fundit të javës së 32-të të Kategorisë Superiore.
Në fund, skuadrat ndajnë nga 1 pikë, që nuk kënaq asnjërën, për objektivat që ato kanë.
Kurbinasit ndalin kështu vrullin e javëve të fundit, me synim kapjen e kupave të Europës, ndërsa shijakasit me 1 pikë të marrë, mbeten ende pranë zonës së ftohtë të renditjes.
Takimi u vendos me nga një gol për çdo pjesë.
Vendasit e nisin më mirë takimin, duke tentuar portën e Xhikës në disa raste, me Shkurtaj dhe Allan, por pa ja dalë dot të shënjestrojnë siç duhet katërkëndëshin.
Gjithsesi këmbëngulja e lojtarëve të Laçit u shpërblye në minutën e 26-të.
Bibo realizoi një super gol me një goditje predhë nga jashtë zone, duke mos i dhënë asnjë shans Xhikës të reagonte.

http://limit.al/wp-content/uploads/2023/05/Goli-i-Laçit.mp4

Pjesa e parë mbyllet me avantazhin 1-0 të kurbinasve.

Të besuarit e Xhevair Kapllanit e nisin më mirë 45-minutëshin e dytë të lojës dhe arrijnë të vendosin baraspeshën.
Pas një aksioni të gjatë të Erzenit, gjuajtja e Mehmetit devijohet në shtyllë nga Selmani.
Nga kjo situatë, Nonato përfiton me topin e mbetur në zonën e rreptësisë dhe çon topin në rrjetë, duke barazuar shifrat.

http://limit.al/wp-content/uploads/2023/05/Goli-i-Erzenit.mp4

Në fund, sfida mbyllet në barazim 1-1.
Laçi renditet në vendin e katërt me 44 pikë, ndërsa Erzeni në vendin e shtatë me 39 pikë./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport