E mërkurë, 18 nëntor 2026

Rubrikat

Mbështet Limit.al

Kuqezinjtë jehonë në mediat botërore

Shqipëria merr pikën e parë në Euro 2024, në një ndeshje të çmendur e për zemra të forta në Hamburg kundër Kroacisë. Rezultati 2-2, që mban dy përfaqësueset me një pikë pas dy ndeshjeve të para. Goli i Gjasulës në fund çoi peshë tifozërinë që ashtu si në Dortmund, ishin superior në tribuna.

Një ndeshje plot emocione ku kuqezinjtë vazhdojnë të bëjnë jehonë në mediat botërore. E përditshmja italiane “La Gazzeta Dello Sport” si titull kryesor ka vendosur: “Festa e Shqipërisë në kohën shtesë”. 2-2 vjen në minutën e 95-të. Kroacia me shpatulla pas murit, duhet vetëm fitore ndaj Italisë”, “Çmenduri shqiptare, fut në telashe Kroacinë”, është titulli i gazetës spanjolle “Marca”.

Kombëtarja e Shqipërisë ka bërë zë përtej Oqeanit ku gazeta më e madhe si “New York Times”, ka vendosur si titull kryesor: Shqipëria po i bën rivalët të djersijnë në ‘Grupin e vdekjes’, ndërkohë prestigjiozja amerikane “ESPN” shkruan në rrjetin social X: “Shqipëri, a e ke seriozisht. Gol në minutën e 95-të dhe barazon rezultatin”. Tabloidi britanik “The Guardian” ka shkruar: “Klaus Gjasula shënoi golin e barazimit në kohën shtesë për Shqipërinë, për të prishur përmbysjen e Kroacisë në pjesën e dytë”.

Gjasula bëhet zëvendësuesi i parë në historinë e Europianeve apo Botëroreve që arrin të shënojë në të dy portat, duke vendosur një rekord pas golit të Bajramit në ndeshjen e parë kundër Italisë.

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport