E mërkurë, 18 nëntor 2026

Rubrikat

Mbështet Limit.al

Kupa e Shqipërisë, Tirana me një këmbë në finale, Vllaznia e bën “dramë” ndaj Egnatias

Tirana ka arritur një triumf të madh ndaj Teutës, në ndeshjen e parë gjysmë-finale të Kupës së Shqipërisë, me rezultatin 3-0. Bardheblutë me këtë rezultat janë me një këmbë në finale. Sfida e zhvilluar në ‘Elbasan Arena’ u dominua tërësisht nga skuadra kryeqytetase, të cilët zhbllokuan takimin në fundin e pjesës së parë. Takimi nisi i vakët, me të dyja ekipet që krijuan shumë pak raste për shënim, por që u zhbllokua në minutën e 43-të nga Florent Hasani. Gjithçka u konfirmua dhe nga sistemi VAR, pas protestave të lojtarëve të Teutës për një pozicion jashtë loje.

Edhe në pjesën e dytë, Tirana ishte më kërkuese dhe mori iniciativën për të sulmuar. Në minutën e 65-të bardheblutë gjejnë edhe golin e dytë. Behiratçe provon me një goditje me kokë, ndërkohë që Lulaj e devijon topin për ta çuar në rrjetë.

Brenda 1 minute lojë në të 68-ën, Gruda pengohet në zonë dhe durrsakët pretendojnë për penallti, me gjyqtarin që sinjalizon për gjithçka të rregullt. Më pas një kundërsulm i Lushkjes i cili pengohet brenda zonës që gjithashtu kërkon penallti, por nuk ka asgjë sipas arbitrit dhe VAR.

Pas vetëm 3 minutash, Tirana gjen edhe golin e tretë. Lushkja del i vetëm përballë Qirkos dhe nuk gabon duke çuar në epërsi të trefishtë skuadrën e Orges Shehit.

Gjithçka mbyllet 3-0 dhe Tirana shkon e qetë në ndeshjen e kthimit.

Ndërkohë në ndeshjen tjetër, Vllaznia mori një barazim dramatik në fund ndaj Egnatias me shifrat 1-1. Në ‘Loro Boriçi’ u luajt një sfidë interesante, me rrogozhinasit që treguan edhe njëherë që janë një ‘kockë’ e fortë për shkodranët. Në minutën e 68-të, një kundërsulm i jashtëzakonshëm i rrogozhinasve, me Duamena që kaloi këdo që i doli përpara, duke finalizuar saktësisht në fund.

Kur gjithçka po shkonte drejt përfundimit, Ardit Hoxhaj vendosi baraspeshën në sekondat e fundit të lojës.

Ndeshjet e dyta gjysmë-finale do të luhen më 11 maj./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport