E mërkurë, 18 nëntor 2026

Rubrikat

Mbështet Limit.al

Kupa e Mbretit, Reali i Madridit synon trofeun ndaj Osasunas, Ancelotti kërkon të thyejë rekordin e Zidane

Sonte në mbrëmje do të luhet finalja e Kupës së Mbretit në Spanjë, mes Realit të Madridit dhe Osasunas. Sfida do të zhvillohet në ‘Estadio de La Cartuja të Sevillas, duke nisur nga ora 22:00.

Madrilenët kërkojnë fitimin e trofeut, përballë një kundërshtari modest në letër si Osasuna.

Një finale tepër e rëndësishme është edhe për trajnerin e ‘Los blancos-ve’, Carlo Ancelotti, i cili synon të kalojë rekordin e Zinedine Zidane, në krye të pankinës së Realit. Zidane brenda pak vitesh, ia doli që të fitonte 11 trofe si trajner i ‘galaktikëve’, ndërsa tekniku italian ka arritur deri më tani në kuotën e 9 trofeve dhe në këtë edicion ka mundësinë të luftojë edhe për dy të tjerë. Një prej tyre është pikërisht Kupa e Mbretit, ndërsa trofeu tjetër është Champions League.

Përpara finales së Copa del Rey, Ancelotti u shpreh se finalet i luan gjithnjë sikur të ishin të fundit.

Carlo Ancelotti: Të luash në një finale është gjithmonë shumë emocionuese. Personalisht, gjithmonë mendoj se mund të jetë e fundit. E kam menduar në vitin 2003, dhe nuk ishte kështu dhe mendoj për këtë sot. Unë kërkoj nga lojtarët që ta shijojnë këtë moment, sepse janë ndeshje speciale dhe ne i përgatisim me gjithë dëshirën dhe entuziazmin e botës. Kemi ardhur këtu me meritë dhe do të bëjmë maksimumin për të fituar, do të luajmë pa menduar për ndeshjen e radhës me gjithë energjinë e botës për të fituar një ndeshje tjetër. Lojtarët janë të gjithë shumë të motivuar. Përgatitja e këtyre ndeshjeve me këtë skuadër është mjaft e thjeshtë. Ne jemi të fokusuar në ndeshjen ndaj Osasunas. Nëse do të fitonim do të kishim fituar të gjithë trofetë në këto dy vite. Mbyllja e këtij cikli do të ishte shumë bukur.

Reali i Madridit e ka fituar këtë trofe 19 herë, i fundit në vitin 2014, ndërkohë që për Osasunën kjo është finalja e dytë që merr pjesë, pas asaj të vitit 2005, ku u mposhtën në finale ndaj Betis./Limit.al

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport