La Liga ka bërë zyrtare limitet e pagave të 20 ekipeve të saj për sezonin 2018-2019. Ekipi që mund të shpenzojë më shumë është Barcelona, 66.5 milionë euro më shumë se i dyti, Real Madridi. Ndërsa shpenzimet më të pakta mund të bëjë Valladolid.
Këtu nuk flasim vetëm për pagat, por për shumat maksimale që mund të harxhojë çdo ekip këtë sezon, duke përfshirë shpenzimet për lojtarët e ekipit të parë dhe stafin stërvitor të tij (siç përcaktohet në nenin 38 të rregullores së buxhetimit) dhe filialet, akademitë dhe seksionet e tjera.
Konceptet e përfshira në kufirin e kostos së çdo ekipi janë: paga fikse dhe të ndryshueshme, siguria sociale, primet kolektive, kostot e blerjes (përfshirë komisionet për agjentët) dhe amortizimi. Nga ana tjetër është e rëndësishme të theksohet se ky limit nuk mund të përdoret nga klubi në tërësinë e tij.




