E mërkurë, 18 nëntor 2026

Rubrikat

Mbështet Limit.al

Kroacia fiton dramën e penalltive ndaj Rusisë, kalon në gjysmëfinale të Botërorit

Kroacia fiton dramën e penalltive ndaj Rusisë, kalon në gjysmëfinale të Botërorit

Kombëtarja e Kroacisë ka arritur të fitojë pas penalltive ndaj Rusisë me rezultat 4-3 në ndeshjen çerekfinale, pasi ndeshja pas 120 minutave përfundoi me rezultat 2-2 dhe kështu arrin të kualifikohet në gjysmëfinale të Kampionatit Botërorit, ku do të takohet me Anglinë.

Pjesa e parë e ndeshjes i takoi kroatëve, të cilët diktuan ndeshjen, por që të dy kombëtaret arritën të gjejnë nga një herë golin.

Megjithatë, të parët që shënuan ishin rusët, pasi në minutën e 31-të të ndeshjes ishte Denis Cheryshev, i cili shënoi një supergol nga distanca për 1-0.

Cheryshev shënoi një gol të bukur (Getty Images)

Epërsia e rusëve zgjati vetëm tetë minuta pasi Kroaci arriti të barazoj me anë të Andrej Kramaric, që shënoi me kokë për 1-1 pas asistimit të Mario Mandzukic.

Festa e Kramaric pas golit të barazimit (Getty Images)

Në pjesën e dytë, përsëri ishin ballkanasit që patën diçka më shumë nga loja dhe rrezikuan disa herë për të gjetur golin e epërsinë.

Rasti më i mirë në këtë 45 minuta i takoi anësorit sulmues, Ivan Perisic (60′), por ishte shumë i pafat pasi nga afërsia goditi vetëm shtyllën.

Perisic goditi shtyllën (Getty Images)

Deri në fund, kroatët u munduan ende të gjejnë golin e fitores, por pa pasur sukses dhe ndeshja e rregullt përfundoi me barazim 1-1 dhe ndeshja shkuan në vazhdime.

Në vazhdimin e parë vazhdoi dominimi i kroatëve, të cilët gjetën golin e epërsisë pas vetëm gjashtë minutave me anë të Domagoj Vida (101′), i cili shënoi me kokë për 1-2.

Nuk mjaftoi goli i Vidas (Getty Images)

Në vazhdimin e dytë, Rusia u mundua të gjej golin e barazimit dhe atë e gjeti në minutën e 115-të me anë të mbrojtësit Mario Fernandes që barazoi rezultat 2-2 me një gol me kokë pas ndërprerjes dhe ndeshja shkoi në penallti.

Momenti i golit me kokë nga Fernandes (Getty Images)

Në ekzekutimin e penalltisë kroatët ishin më të saktë duke arritur të fitojnë me rezultat 4-3 dhe të kalojnë në gjysmëfinale.

Pas kësaj fitore, Kroacia kalon në gjysmëfinale të Kupës së Botës, ku do të takohet me Anglinë, që mposhti Suedinë me rezultat 2-0. /Telegrafi/

Të fundit

  1. Aktualitet

    Rekord në Ballkan/ 11,4 mijë studentë nga Shqipëria studiojnë jashtë, kryesoisht në Itali e Gjermani
  2. Opinione

    Trazira në Europë, aty ku Perëndimi i trazuar takohet me Lindjen paqësore
  3. Aktualitet

    Prishtina shtrenjton parkimin, deri në 20 Euro për një ditë në qendër
  4. Aktualitet

    Shqipëria dhe Kosova forcojnë bashkëpunimin për shpëtimin në male
  5. Aktualitet

    Bota përballet me mungesë financimi prej 30 trilionë Eurosh

Më shumë nga Sport